November 02, 2024
બડવાની: સાવનનો મહિનો ભગવાન શિવ(Lord Shiva) માટે ખૂબ જ પ્રિય માનવામાં આવે છે અને તેથી જ સાવન મહિનામાં ભગવાન શિવની પૂજા કરવાનું પણ વિશેષ મહત્વ છે. સાવનનો મહિનો શરૂ થઈ ગયો છે અને આ દરમિયાન બડવાનીમાંથી એક સમાચાર સામે આવ્યા છે જેને લોકો ચમત્કાર માની રહ્યા છે. બડવાણી (Badwani) માં નર્મદા નદી(Narmada river)માં હોડી ચલાવતા એક શખ્સને શિવલિંગ મળ્યું છે, જે ખુબ જ અલૌકિક હોવાનું કહેવાય છે. લોકોનું કહેવું છે કે આ શિવલિંગ નર્મદા માતાના ઊંડાણમાં હતું અને એક નાવિકને સ્વપ્નમાં શિવલિંગ હોવાની અને તેને નીકળવાની વાત કરવામાં આવી હતી, ત્યારબાદ નાવિકને આ શિવલિંગ મળ્યું હતું.
આ શિવલિંગ બડવાની જિલ્લાના થિકરી તાલુકાના બ્રાહ્મણગાંવમાં મા નર્મદામાં મળી આવ્યું છે. લોકો કહે છે કે મા નર્મદામાં 17 વર્ષના નાવિકની હોડી દરરોજ એક જગ્યાએ આવીને નદીની વચ્ચે જ અટકી જતી હતી. પછી એક દિવસ તેને સ્વપ્ન આવ્યું જેમાં કહેવામાં આવ્યું કે હું નર્મદાજીની વચ્ચે છું, મને અહીંથી બહાર કાઢો. નાવિકે તેના સાથીઓને સ્વપ્ન વિશે જણાવ્યું અને જ્યારે તે અન્ય ખલાસીઓ સાથે તે સ્થળે પહોંચ્યો ત્યારે નાવિકોએ નદીમાં એક શિવલિંગ જોયું.
કેટલાક ખલાસીઓએ તેને બહાર લાવવાનો પ્રયાસ કર્યો પરંતુ શિવલિંગ બહાર ન આવ્યું. લોકોનું એમ પણ કહેવું છે કે સ્વપ્ન જોનાર યુવક નદીમાં ઉતર્યો અને શિવલિંગ ઉપાડ્યું કે તરત જ શિવલિંગ ઊભું થઈ ગયું, જેને તે કિનારે લઈ આવ્યો. એવું કહેવામાં આવ્યું છે કે જે શિવલિંગ મળ્યું છે તે ચંદ્ર, જનોઈ અને માથા પર બિંદીવાળું શિવલિંગ છે જે એકદમ અલૌકિક છે.
Trending News
ઘાટ પર મંદિર બનાવીને સ્થાપના કરવામાં આવશે:
ગ્રામના લોકોનું કહેવું છે કે, નર્મદા નદીમાંથી મળેલા આ અલૌકિક શિવલિંગ માટે ગ્રામજનોની મદદથી ઘાટ પર જ મંદિર બનાવવામાં આવશે. આ સાથે જ સિહોરના કુબેશ્વરધામના પંડિત પ્રદીપ મિશ્રાએ પણ નર્મદા નદીમાં શિવલિંગને મળવા અને નર્મદા ઘાટ પર શિવલિંગ માટે મંદિર નિર્માણમાં સહકાર આપવા અપીલ કરી છે. જો કે એક તરફ જ્યાં કેટલાક લોકો નર્મદા નદીમાં શિવલિંગના મળવાને ચમત્કાર ગણાવી રહ્યા છે તો કેટલાક લોકો એવું પણ કહે છે કે નર્મદા નદીમાં મળેલું શિવલિંગ અન્ય કોઈ મંદિરનું હોઈ શકે છે જે નર્મદા નદીમાં પૂર આવવાના કારણે ધોવાઈને અહિયાં આવી ગયું છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.