November 27, 2024
હાલમાં સુરતમાંથી એક ખુબ જ અજીબોગરીબ બનાવ સામે આવ્યો છે. જેમાં સુરતના સચિન નજીક આવેલ લાજપોર ગામ ખાતે આવેલ એક સોસાયટીમાં રહેતો પરિવાર શ્વાનને સોસાયટી બહાર કુદરતી હાજતે લઇ જતા બીજી સોસાયટીના લોકોએ તેનો વિરોધ કર્યો હતો. આ મામલે ઝઘડો થયા બાદ પોલીસ મથકે સમાધાન થયું. પરંતુ, કેટલાક લોકો લાકડી અને બેટ લઈને મરવા નીકળ્યા હતા જેથી મોડી રાત્રે બંને સોસાયટીના લોકો વચ્ચે ધીંગાણું થતા મામલો ગંભીર બન્યો હતો.
આ ઉપરાંત મારામારી સાથે ગાડીયોમાં તોડફોડ પણ કરવામાં આવી હતી. આ ઘટનાનો લાઇવ વીડિયો સુરતમાં વાયરલ થઈ રહ્યો છે. સુરત શહેરમાં કાયદો અને વ્યવસ્થા દિવસે દિવસે લથડી રહી છે. સુરતના છેવાડે આવેલા સચિન નજીકના લાજપોર ગામ ખાતે આવેલી બે સોસાયટીના લોકો વચ્ચે મોડી રાત્રે મારામારીની ઘટના સામે આવી છે.
View this post on Instagram
Trending News
મળતી માહિતી મુજબ, એક સોસાયટીમાં રહેતો એક પરિવાર શ્વાનને સોસાયટીની બહાર કુદરતી હાજતે લઇ જતા બાજુની સોસાયટીના લોકો દ્વારા વિરોધ કરવામાં આવ્યો હતો. આ વિરોધે જોત જોતામાં મારામારી અને ઝઘડાનું સ્વરૂપ ધારણ કરી લીધું હતું. આ સમગ્ર મામલો સચિન પોલીસ મથકે પહોંચતા પોલીસ દ્વારા આ બંને પક્ષકારો વચ્ચે સમાધાન કરવામાં આવ્યું હતું.
પરંતુ સમાધાન બાદ મોડી રાત્રે કેટલાક યુવાનો હાથમાં લાકડીઓ અને ક્રિકેટ બેટ લઇને જે સોસાયટીમાં શ્વાન હતો તે સોસાયટીમાં પહોંચ્યા હતા અને ત્યાં રહેલા લોકોને લાકડીઓ વડે માર મારવાનું શરૂ કર્યું હતું. જોતજોતામાં બંને પક્ષો વચ્ચે છૂટા હાથની મારામારી શરૂ થઈ ગઈ હતી જેને લઇ સમગ્ર વિસ્તારમાં ગંભીર વાતાવરણ બન્યું હતું.
જોકે, આ મારામારીમાં સોસાયટીમાં રહેલી કેટલીક ગાડીઓની પણ તોડફોડ કરવામાં આવી હતી. ઘટનાની જાણ થતા સચિન પોલીસને થતા તે તાત્કાલીક ઘટના સ્થળે દોડી આવી હતી. અને મામલો શાંત પાડયો હતો. જોકે, પોલીસ સ્ટેશનમાં સમાધાન બાદ બંને પક્ષો વચ્ચે જે રીતે ધીંગાણું થયું હતું જેને લઇ સચિન પોલીસ દ્વારા બંને જૂથો વિરુદ્ધ કાયદેસરની કાર્યવાહી કરી ગુનો દાખલ કરવામાં આવ્યો છે અને વધુ તપાસ પણ શરૂ કરવામાં આવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.