JEE મેઈન્સમાં સુરતના વિદ્યાર્થીએ રોશન કર્યું માતા-પિતાનું નામ, 99.99 પર્સેન્ટાઈલ સાથે મેળવ્યો પ્રથમ નંબર

દેશની સોથી મોટી એન્જિનિયરિંગમાં પ્રવેશ લેવા માટે આપતી પરીક્ષા JEE MAINS જે જાન્યુઆરી 2023માં લેવાઈ હતી. જેનું પરિણામ આજે રોજ જાહેર થયું છે. જેમાં સુરતના નિશ્ચય અગ્રવાલે બાજી મારી લેધી છે. નિશ્ચયે 99.99 પર્સેન્ટાઈલ સાથે પ્રથમ નંબર મેળવ્યો છે. કોમ્પ્યુટર સાન્યન્સના ક્ષેત્રમાં મુબઈમાં આગળનો અભ્યાસ કરવા ઈચ્છે છે નિશ્ચયે જણાવ્યું હતું કે, રોજે રોજની મહેનત અને પરિવાર અને શિક્ષકો જણવ્યા પ્રમાણે મહેનત કરવાથી આ સફળતા પ્રાપ્ત થઈ છે.

ટેક્સટાઈલ માર્કેટમાં કાપડના એજન્ટ તરીકે કામ કરનારના પુત્ર નિશ્ચય અગ્રવાલે જણાવ્યું હતું કે, ક્લાસ રૂમમાં રોજના માર્ગદર્શનની સાથે સાથે ઘરે પણ રોજ તે 3થી 4 કલાક મહેનત કરતો હતો. જેના કારણે ભાર લાગતો ન હતો. રોજનું કામ રોજ કરી લેતો હતો. કોઈ પણ પ્રકારનો ડાઉટ હોય તો શિક્ષકો પાસે તેને ક્લિયર કરાવી લેતો હતો. તેનું કેવું એવું છે કે,ટેસ્ટ આપવાને કારણે પણ સફળતા પ્રાપ્ત થઈ છે.

નિશ્ચયે જણાવ્યું હતું કે, તેમની માતા બીકોમમા બીએડ સુધીનો અભ્યાસ કર્યો છે. તેમણે મને પ્લાનિંગમાં કરવામા ખુબ  મદદ કરી હતી. જે વિષય મને અઘરા લાગતાં હોય તે વિષય માટે કઈ રીત તેયારી અને કઈ બૂક માંથી કેટલું વાંચવું ત્યાં સુધીનું પ્લાનિંગ કરી આપતા હતા. મને આ પ્લાનિંગના કારણે પરીક્ષાનું ટેન્શન આવ્યું નહોતું. છેલ્લા દિવસ સુધી મે એકદમ સ્વસ્થ મન સાથે પરીક્ષાની તેયારી કરી હતી.

નિશ્ચયના પિતા ટેક્સટાઈલમાં કામ કરે છે. તેમને પણ બીકોમ સુધીનો અભ્યાસ કર્યો છે. મૂળ રાજસ્થાનના સિકર જિલ્લાના વતની છે. તેમણે પણ દીકરાના અભ્યાસને લઈને ખૂબ મહેનત કરી હતી. દીકરા માટે તેઓ બૂકથી લઈને સ્ટેશનરી તમામ વસ્તુઓ લાવી આપતા હતા. પોતાના એક દીકરાના અભ્યાસ માટે તેઓ કોઈ કસર અધુરી રાખવા માંગતા ના હતા.