જુઓ સુરતમાં કેવી રીતે કર્ફ્યું વચ્ચે જાહેરમાં જન્મદિવસની કરી ઊજવણી- Live વિડીયો વાયરલ

જાહેરમાં જન્મદિવસની ઉજવણીના ઘણા વિડીઓ વાઈરલ થઇ રહ્યા છે ત્યારે હજુ એક એવો જ વિડીયો સુરતમાંથી સામે આવ્યો છે. ત્યારે પોલીસ કઈ કડક કાર્યવાહી ન કરતા આવા કેસમાં સતત વધારો થઇ રહ્યો છે.સુરતમાં પહેલાં પોલીસ કૉન્સ્ટેબલ મહાવીરસિંહની ઊજવણીના વાયરલ વીડિયોએ ખૂબ વિવાદ સર્જ્યો હતો. આ વિવાદ ઠરવાનું નામ નહોતો લેતો તેવામાં હજુ એક જન્મદિવસની ઊજવણીનો વાઈરલ વિડીયો સામે આવ્યો છે. હાલમાં જ ઉઘનામાંથી જાહેરમાં જન્મદિવસની ઉજવણીનો વિડીયો સામે આવ્યો છે.

કોરોનાની મહામારી વચ્ચે પણ કાયદાઓનો છડેચોક ઉલ્લંઘન કરીને જાહેરમાં જન્મ દિનની ઉજવણીનો વધુ એક કિસ્સો પ્રકાશમાં આવ્યો છે. પહેલા બુટલેગર પછી પોલીસ કર્મચારી, રાજકીય આગેવાન અને હવે એક યુવાને જાહેરમાં જન્મ દિવસની ઉજવણી કરી છે.

સુરતના ઉધના વિસ્તારમાં રાત્રી કર્ફ્યુ દરમિયાન કેટલાક યુવાનો ઉધના બ્રિજ નીચે પોતાના મિત્રો સાથે જન્મદિવસની ઉજવણી કરતા હોય તેવો વિડિયો સોશિયલ મીડિયામાં વાયરલ થયો છે. જોકે આ મિત્રોની સંખ્યા ઓછી છે પરંતુ કોરોનાની ગાઇડ લાઇનનો ભંગ કરતા જોવા મળ્યા હતા અને તેની સાથે સાથે પોલીસ કમિશનરના જાહેરનામાનો પણ ઉલ્લંઘન કરતા જોવા મળ્યા હતા.

ગઈકાલે સુરતના સૌયદપુરા ખાતે રહેતા યુવાને પોતાના મિત્ર સાથે જાહેરમાં અને તે પણ ખંજર વડે કેક કાપીને જન્મ દિવસની ઉજવણી કરી હતી. આ યુવાન કેક કાપવા સાથે હુક્કાના પણ દમ મારતો જોવા મળે છે. આ ઘટનાનો વીડિયો હાલ સોશિયલ મીડિયામાં ઘણો જ વાયરલ થઇ રહ્યો છે. જેમાં દેખાઇ રહ્યું છે કે, જન્મદિનની ઉજવણી કરતા યુવાનો કોરોનાની ગાઈડલાઇન તો ઠીક પણ પોલીસ કમિશનર જાહેર નામનો પણ ભંગ કરતા જોવા મળ્યા હતા.