“વિધિ કરાવશો તો ધંધો સારો ચાલશે”, તાંત્રિકે પ્રસાદ ખવડાવી સુરતની યુવતી સાથે આચર્યું સૃષ્ટિ વિરુદ્ધનું કૃત્ય

સુરત શહેરની યુવતીએ પોતાનો વેપાર સારો ન ચાલતો હોવાને લીધે વડોદરા શહેરનાં એક તાંત્રિકની પાસે વિધિ કરાવી હતી. જોકે આ વિધિમાં સુરત શહેરની યુવતી સાથે તાંત્રિકે દુષ્કર્મ કર્યું હતું. આ તાંત્રિક સામે ભાવનગર જીલ્લા ખાતે દુષ્કર્મની FIR નોંધાતા સુરત શહેરની યુવતી એ પણ આ તાંત્રિક સામે હિંમત કરી સુરત શહેરનાં કતારગામ વિસ્તારના પોલીસ મથકમાં દુષ્કર્મની FIR નોંધાવી છે. સુરત શહેરનાં કતારગામ ખાતે રહેતી યુવતી પરિવારજનોને સાડીમાં સ્ટોન લગાવીને આર્થિક રીતે મદદ કરતી હતી.

જોકે તેનો વેપાર સારો ન ચાલતો હોવાનાં લીધે તેનાં કોઈ પરિચિત દ્વારા તેને એક તાંત્રિકની પાસે વિધિ કરવવા જાણકારી આપવામાં આવી હતી. જેને લીધે પોતાનો વેપાર સારો ચાલે તે માટે આ યુવતીનો પરિવાર વર્ષ 2017માં વડોદરા શહેરમાં હિરેન પુરોહિત નામના જ્યોતિષ પાસે વિધિ કરાવવાથી વેપાર-ધંધો સારો ચાલશે. એટલે વર્ષ 2017માં હિરેન નરેન્દ્ર પુરોહિતને સુરત શહેર બોલાવાયો હતો. તે યુવતીનાં ઘરે ગયો તેમજ તે તાંત્રિકે કહ્યું કે, તેનાં ઉપર માતાજીનાં આશિર્વાદ છે. ઘણા જાદુ પણ કર્યા હતા.

જેનાં લીધે યુવતીનાં પરિવારજનો તેનાંથી પ્રભાવિત થયા હતા. ઘરનાં બધા સભ્યો ઉપર તાંત્રિકે વિધિ કરી હતી. હિરેને વિધિનાં ઘણા રૂપિયા પણ લીધા હતા. છેલ્લે યુવતી ઉપર વિધિ કરવાનાં સમયે તાંત્રિકે જણાવ્યું કે, યુવતી વિધિ એકાંતમાં કરવી પડશે. જો અનિષ્ટ તત્વો બહાર નીકળશે તો તે અન્યને ચોટી જાય તેમ છે. એવું કહીને તે યુવતીને બીજી રૂમમાં બોલાવી હતી. ત્યાં યુવતીની ઉપર વિધી કરીને ઘેનવાળો પ્રસાદ ખવડાવવામાં આવ્યો હતો. જેથી તે યુવતી બેહોશ થઈ ગઈ.’

યુવતીનાં આરોપ અનુસાર તે બેહોશ થઈ તે સમયે હિરેને તેની ઉપર બળાત્કાર કર્યો હતો તેમજ યુવતીનાં નગ્ન ફોટા પણ પડ્યા હતા. જોકે બનાવની જાણકારી મળતા યુવતીએ પોતાની આબરૂને બચાવવા તાંત્રિકની સાથે લગ્ન કરવાનું નક્કી કર્યુ, તે સમયે હિરેન પોતે પણ કુંવારો હોવાનું જણાવવામાં આવ્યું હતું.