જુઓ કેવીરીતે સુરતની સોસાયટી માંથી દિનદહાડે થઇ મોંઘીદાટ સાઈકલોની ચોરી- ઘટના CCTVમાં કેદ

આ વિસ્તારમાં લોકોને આશ્ચર્ય પમાડે તેવી ઘટના પ્રકાશમાં આવી રહી છે. છેલ્લા બે દિવસમાં ત્રણ જેટલી મોંઘી અને સ્પોર્ટ્સ સાઇકલોની ચોરી થઇ છે. આ સમગ્ર ઘટના સીસીટીવી કેમેરામાં કેદ થઇ છે. એક અજાણ્યો યુવક અપાર્ટમેન્ટના પાર્કિંગમાં આવે છે અને બીજી કોઈ વસ્તુની ચોરી નથી કરતો માત્ર સ્પોર્ટ્સ સાઇકલની જ ચોરી કરીને જતો રહે છે.

હાલ સાયકલીંગનો ક્રેઝ યુવા વર્ગમાં જોવા મળી રહ્યો છે. ત્યારે આ શખ્સને સ્પોર્ટ્સ સાઇકલોની ચોરી કરવામાં જ રસ હોય તેવું સીસીટીવી કેમેરામાં સ્પષ્ટ દેખાઈ રહ્યું છે. સ્થાનિક લોકોએ હજી સુધી પોલીસમાં આ અંગેની ફરિયાદ નોંધાવી નથી. પરંતુ જ્યારે ચોરીના સતત કિસ્સાઓ સામે આવી રહ્યા હતા. ત્યારે પોતાના એપાર્ટમેન્ટમાં રહેલા સીસીટીવી જોતા સમગ્ર ઘટના બહાર આવી છે.

આ ચોરીની ઘટના સુરતના સરથાણા વિસ્તારમાં આવેલ શિક્ષાપત્રી એપાર્ટમેન્ટની છે. ચોરે પોતાની ઓળખ છતી ન થાય તે માટે પોતાના ચહેરા ઉપર રૂમાલ બાંધ્યો હતો. પરંતુ શિક્ષાપત્રી એપાર્ટમેન્ટના લોકોનું એવું માનવું છે કે, કોઈ અજાણ્યું વ્યક્તિ જ આ પ્રકારે મોંઘી સાઇકલોની ચોરી કરી રહ્યો છે, માત્ર બે દિવસમાં જ ત્રણ જેટલી મોંઘી સ્પોર્ટ્સ સાઇકલ ચોરી થતા એપાર્ટમેન્ટના રહીશો સાવધાન થઈ ગયા છે.

જુઓ કેવીરીતે સુરતની સોસાયટી માંથી દિનદહાડે થઇ ગઈ મોંઘીદાટ સાઈકલોની ચોરી- ઘટના CCTVમાં કેદ#Surat #viralvideo pic.twitter.com/4ssE6g6Lmt

— Trishul News (@TrishulNews) February 17, 2021