November 24, 2024
આજે માત્ર વિજ્ઞાનના ક્ષેત્રમાં જ નહીં પરંતુ ચિકિત્સા ક્ષેત્રે પણ માણસે એટલી બધી પ્રગતિ કરી છે કે હવે કોઈ કામ અશક્ય નથી. એક સમય હતો જ્યારે લોકોની કીડની બગડી જતી કે હૃદયમાં કોઈ સમસ્યા હતી ત્યારે વ્યક્તિને બચાવવી મુશ્કેલ હતી, પરંતુ આજના સમયમાં બધું જ શક્ય છે. કિડની ટ્રાન્સપ્લાન્ટ(Kidney transplant)થી લઈને હાર્ટ ટ્રાન્સપ્લાન્ટ(Heart transplant) સુધી લોકોનો જીવ બચાવી શકાય છે, પરંતુ શું તમે ક્યારેય સાંભળ્યું છે કે ડોક્ટરોએ શરીરના કોઈ અંગને ઉગાડ્યું હોય? જી હા, ફ્રાન્સ(France)માં ડોક્ટરોએ એક એવું જ કારનામું કર્યું છે, જેના વિશે જાણીને બધા આશ્ચર્યચકિત થઈ જશે.
હકીકતમાં, ડૉક્ટરોએ મહિલાના હાથ પર નાક ઉગાડ્યું અને પછી તેને ત્યાંથી હટાવીને તેના ચહેરા પર ટ્રાન્સપ્લાન્ટ કર્યું. મીડિયા રિપોર્ટ્સ અનુસાર, મહિલાને પહેલા કેન્સર હતું. આવી સ્થિતિમાં, વર્ષ 2013 માં, તેણે સારવાર દરમિયાન તેના નાકનો એક ભાગ ગુમાવ્યો, ત્યારબાદ તેણે પોતાનું નાક પાછું મેળવવા માટે ઘણા પ્રયત્નો કર્યા, પરંતુ સફળતા મળી નહીં. જો કે, હવે ડોકટરોની અદ્ભુત તબીબી પ્રક્રિયાને કારણે તેનું નાક પાછું મળી ગયું છે, જેના પછી તે ખૂબ જ ખુશ છે અને તેણે ડોકટરોનો આભાર માન્યો છે.
હાથ પરથી નાક ટ્રાન્સપ્લાન્ટ કરાયું:
ડોકટરોએ પહેલા મહિલાના હાથ પર નાક ઉગાડ્યું અને તેને ઢાંકવા માટે સ્ક્રીન ગ્રાફ્ટનો ઉપયોગ કર્યો. પછી નાક વધતા બે મહિના જેટલો સમય લાગ્યો. જે બાદ ડોક્ટરોએ તે નાકને હાથમાંથી કાઢીને મહિલાના ચહેરા પર સફળતાપૂર્વક ટ્રાન્સપ્લાન્ટ કર્યું હતું. મહિલા લગભગ 10 દિવસ સુધી હોસ્પિટલમાં દાખલ હતી, જ્યારે ત્રણ અઠવાડિયા સુધી એન્ટિબાયોટિક્સ લેતી હતી. હવે મહિલા ઠીક છે અને તેનું નવું નાક લઈને ખૂબ જ ખુશ છે.
Trending News
જે હોસ્પિટલમાં મહિલાની સર્જરી કરવામાં આવી હતી તેણે જણાવ્યું કે આ પ્રકારની સર્જરી મેડિકલ જગતમાં પહેલા ક્યારેય થઈ નથી અને સૌથી મહત્વની વાત એ છે કે ડોક્ટરોએ આ સર્જરી શક્ય બનાવી છે. હોસ્પિટલનું કહેવું છે કે આ નવી ટેક્નોલોજી દવાના ક્ષેત્રમાં નવી આશા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.