13 જૂને જ સુશાંતને મારી નાંખ્યો હતો? -પાડોશી મહિલાએ જણાવી એ રાતની ચોંકાવનારી હકીકત

હાલમાં સુશાંત સિંહ રાજપૂત કેસ સીબીઆઈને સોપવામાં આવ્યો છે ત્યારે સીબીઆઈ હવે સમગ્ર મામલાની તપાસ કંઈક નવા એંગલથી કરી રહી છે. આ કેસમાં હવે બાન્દ્રામાં સુશાંતની બિલ્ડિંગમાં રહેતી એક પાડોશી મહિલાએ મોટો ખુલાસો કર્યો છે. જેના કારણે સુશાંતના મોતનું રહસ્ય વધારે ગૂઢ બન્યું છે.

આજ રોજ મીડયા સાથેની વાતચીતમાં સુશાંતની બિલ્ડિંગમાં રહેતી એક મહિલાએ જણાવ્યું કે, સુશાંતના રૂમની લાઈટ 13 જૂનની રાત્રે બંધ થઈ હતી. ફક્ત કિચનની લાઈટ ચાલુ હતી. એવું ક્યારેય નહોતું બન્યું કે આ રીતે લાઇટ બંધ થઈ જાય. સુશાંતના રૂમમાં રાત્રે 4 વાગ્યા સુધી લાઈટ ચાલુ રહેતી હતી. પરંતુ તે દિવસે રાત્રે 10.30 વાગ્યે લાઈટ બંધ કરવામાં આવી હતી. 13 જૂનની રાત્રે સુશાંત સિંહ રાજપૂતના ઘરે પાર્ટી નહોતી. મહિલાએ તે દિવસે કંઇક ખોટું થવાની આશંકા પણ વ્યક્ત કરી હતી.

હવે સીબીઆઈ આ મહિલાની પુછપરછ કરી શકે છે. મહિલાના નિવેદન બાદથી સુશાંતના રૂમનું રહસ્ય ઘેરાયું છે. હવે સોશિયલ મીડિયા પર અને સુત્રો દ્વારા એ અટકળો વધારે તેજ બની ગઈ છે કે, સુશાંતને 13 જૂને જ મારી નાખવામાં આવ્યો અને 14 જૂને આત્મહત્યાનું નાટક કરવામાં આવી રહ્યું છે. ત્યારે સીબીઆઈ હવે આ મામલે વધારે તપાસ કરી રહી છે.