કાશ્મીરમાં થયેલ આતંકવાદી હુમલાઓમાં રાષ્ટ્રપતિ પદકથી સન્માનિત DSP ની જ શંકાસ્પદ ભૂમિકા

એક સમય હતો કે જ્યારે રાષ્ટ્રપતિ પદકથી સન્માનિત થયેલા ડીએસપી દેવેન્દ્રસિંહ આતંકવાદીઓ સાથે સવાલ-જવાબ કરતા હતા, પરંતુ શનિવારે દક્ષિણ કશ્મીરમાં તેમની એક કારમાં બે આતંકીઓ સાથે ધરપકડ કરવામાં આવી. જ્યારે પોલીસે તેમની ધરપકડ કરી ત્યારે તેઓ શ્રીનગરના એરપોર્ટ પર જમ્મુ કાશ્મીર પોલીસની સુરક્ષા અને એન્ટી-હાઈજૅકિંગ યુનિટ સાથે પોતાની ફરજ બજાવી રહ્યા હતા. પરંતુ તેમની ધરપકડ બાદ 2001માં થયેલો સંસદ પર હુમલો અને જમ્મુ-કાશ્મીરના અન્ય મોટા મામલાઓમાં તેમની કથિત ભૂમિકા હોવાના સવાલ ઉઠી રહ્યાં છે.

વાત 2004ની છે, તે સમયે સંસદ ભવન પર હુમલાનો આરોપી અફઝલ ગુરુ દિલ્હીની તિહાડ જેલમાં બંધ હતો. અફઝલે પોતાના વકીલ સુશીલ કુમારને પત્ર લખ્યો હતો અને કહ્યું હતું કે ડીએસપી દેવેન્દ્રસિંહે(તે સમયે જમ્મુ કાશ્મીર પોલીસ ના ઓપરેશન ગ્રુપમાં હુમહમા માં ફરજ બજાવતા) મોહમ્મદ ને દિલ્હી લાવો દિલ્હીમાં ભાડાનું મકાન અપાવવું અને એક કાર ખરીદી દેવા માટે કહ્યું હતું. મોહમ્મદ ની ઓળખાણ એક પાકિસ્તાની ના રૂપમાં થઈ હતી, તે સંસદ પર થયેલા હુમલાને અંજામ આપનાર લોકોમાંથી જ એક હતો.

અફઝલે અન્ય એક પોલીસ અધિકારી શાંતિ સિંહનું પણ નામ લીધું હતું જેણે દેવેન્દ્રસિંહ સાથે હુમહમા એસટીએફ કેમ્પમાં કથિત રીતે તેને પ્રતાડિત કર્યો હતો. અફઝલે એ પણ લખ્યું હતું કે, “અલ્તાફ હુસૈન, જે વડગામ ના એસએસપી આશાક હુસૈન(બુખારી) નો જીજાજી હતો, તેણે દેવેન્દ્રસિંહ પાસેથી છોડાવામાં વચેટિયાની ભૂમિકા ભજવી હતી અને પછી તેણે ડીએસપી પાસે લઇ ગયો. ” અફઝલને સંસદ ભવન ઉપર હુમલા માં દોષી જાહેર કરી 9 ફેબ્રુઆરી 2013ના રોજ ફાંસી દેવામાં આવી.