November 18, 2024
ભારતના સેકંડો ક્રિકેટ ચાહકો ખુબ ગુસ્સામાં હતા તેમજ કેટલાક સંપૂર્ણ નિરાશામાં ખોવાઈ ગયા હતા કે, જે ટીમમાં રાહુલ દ્રવિડ (Rahul Dravid), વિરેન્દ્ર સહેવાગ (Virender Sehwag), સચિન તેંડુલકર (Sachin Tendulkar), યુવરાજ સિંહ (Yuvraj Singh), સૌરવ ગાંગુલી (Sourav Ganguly), ઝહિર ખાન, હરભજન સિંહ (Harbhajan Singh), મહેન્દ્ર સિંહ ધોની (MS Dhoni) જેવા નામ સામેલ હતા.
આ ટીમ ત્રણમાંથી બે મેચ હારી હતી તેમજ વર્લ્ડ કપ પહેલા રાઉન્ડ આઉટ હતી. તેઓ જે મેચ હારી ગયા તે બાંગ્લાદેશ તથા શ્રીલંકા જેવી ટીમોની હતી. ત્યારબાદ સમગ્ર દેશમાં ભારે રોષ જોવા મળ્યો હતો. લોકોએ ક્રિકેટરોને ખૂબ ગાળો આપી હતી તેમજ સૂત્રોચ્ચાર કર્યા હતા. જયારે ઘર પર પથ્થરમારો પણ જોવા મળ્યો હતો.
6 મહિના બાદ સપ્ટેમ્બર વર્ષ 2007માં ભારતમાં ક્રિકેટ ચાહકો આનંદમાં ડૂબી ગયા હતા. રસ્તા પર નાચવા ગાતા લોકો જોવા મળ્યા હતા. ખેલાડીઓ પર પૈસાની વર્ષા પણ કરી હતી. 6 મહિના અગાઉ જેમના પર ગાળોનો વરસાદ થતો હતો તેમની પર હવે પ્રેમ વરસી રહ્યો હતો.
Trending News
24 સપ્ટેમ્બર વર્ષ 2007 ના રોજ બનેલ એક ઘટના બાદ આ બધું થયું હતું. આ ઇવેન્ટ વર્ષ 2007ની T20 વર્લ્ડ કપમાં ભારતની જીત હતી ત્યારે પણ પાકિસ્તાનને હરાવીને T20 વર્લ્ડ કપ સૌપ્રથમ વખત યોજાયો હતો. સૌપ્રથમ વખત ભારત વર્લ્ડ ચેમ્પિયન બન્યું હતું.
નવા કેપ્ટન મહેન્દ્ર સિંહ ધોનીની આગેવાનીમાં ભારતીય ખેલાડીઓએ ઈતિહાસ રચ્યો હતો. ટુર્નામેન્ટમાં પાકિસ્તાન, દક્ષિણ આફ્રિકા, ઇંગ્લેન્ડ તથા ઓસ્ટ્રેલિયાને હરાવીને ભારતે ફાઇનલમાં જગ્યા બનાવી લીધી હતી. ભારતના દિગ્ગજો સચિન તેંડુલકર, સૌરવ ગાંગુલી, રાહુલ દ્રાવિડ તેમજ ઝહીર ખાન જેવા ખેલાડીઓ આ ટુર્નામેન્ટમાં રમ્યા ન હતા.
ફાઇનલમાં શું થયું?
જ્યારે 24 સપ્ટેમ્બરનાં રોજ ટુર્નામેન્ટ તેની ફાઇનલ મેચમાં ફક્ત ભારત-પાકિસ્તાનની ટીમ આમને સામને આવી હતી. T-20 ક્રિકેટ શરૂ કરનાર ઈંગ્લેન્ડ, ઓસ્ટ્રેલિયા તથા ન્યૂઝીલેન્ડના પત્તા કપાઇ ગયા હતા. એશિયાની કુલ 2 મજબૂત હરીફ ટીમ સામસામે હતી. અંતિમ પરિણામ પહેલા જ ટુર્નામેન્ટ હિટ રહી હતી. ભારત-પાકિસ્તાનની આ ફાઇનલમાં પહોંચ્યા પછી ICC ની લોટરી યોજાઇ હતી કે, જેમાં તેમણે ખૂબ કમાણી કરી હતી.
ફાઇનલમાં ટોસ ધોનીના પક્ષમાં પડ્યો તેમજ ભારતે સૌપ્રથમ બેટિંગ કરી હતી. ધુરંધર ઓપનર વીરેન્દ્ર સહેવાગ ઈજાને કારણે રમ્યો ન હતો. યુસુફ પઠાણે ડેબ્યૂ કર્યું હતું તેમજ સૌપ્રથમ ઓવરમાં જ તે ચોગ્ગા-છગ્ગા ફટકારીને આઉટ થયો હતો. આ ઓવરે બતાવ્યું કે, મેચમાં ભારત સંપૂર્ણપણે આક્રમક મૂડમાં હતું.
ગંભીર-રોહિતે ભારતને સંભાળ્યું:
ફાઇનલમાં ભારતના મહારથી રમ્યા ન હતા. ઓપનર ગૌતમ ગંભીરે એક છેડો લઈને 54 બોલમાં 8 ચોગ્ગા તેમજ 2 છગ્ગાની સાથે 75 રન બનાવી લીધા હતા. તેમણે ભારતની ઇનિંગ્સ સંભાળીને તેને આગળ ધપાવી હતી. યુવા બેટ્સમેન રોહિત શર્માએ પણ ખુબ સહયોગ આપ્યો હતો.
આ ખેલાડીએ ફક્ત 16 બોલમાં બે ચોગ્ગા અને એક છગ્ગાની મદદથી અણનમ 30 રન બનાવ્યા હતા. રોબિન ઉથપ્પા (8), યુવરાજ સિંહ (14) અને કેપ્ટન ધોની (6) સાથે સસ્તામાં આઉટ થયા હતા. ભારતે 5 વિકેટ સામે 157 રનનો પડકારજનક સ્કોર બનાવ્યો હતો.
અંતિમ ઓવરની સ્ટોરી:
સૌપ્રથમ બોલ: વાઇડ. બાદમાં જ્યારે બોલ બરાબર પડ્યો ત્યારે કોઈ રન નોંધાયો ન હતો.
બીજો બોલ: છગ્ગો !!! બોલ 6 રન માટે બોલરના માથા ઉપર ગયો હતો. હવે 4 બોલમાં ફક્ત 7 રનની જરૂર હતી તેમજ મિસ્બાહ સ્ટ્રાઇક પર હતો.
ત્રીજો બોલ: આઉટ !!!! મિસ્બાહે શોર્ટ ફાઇન લેગ પર બોલને ફટકારવાનો પ્રયત્ન કરતા બોલ ઉંચો ગયો અને શ્રીસંતે તેને સરળતાથી પકડી લીધો હતો.
ભારતે સૌપ્રથમ T20 વર્લ્ડ કપ 5 રનથી જીત્યો હતો. મિસ્બાહ 43 રને આઉટ થયો હતો તેમજ નિરાશામાં ડૂબીને તે ક્રિઝ પર ઘૂંટણિયે બેસી ગયો હતો. આમ, આ દિવસ ભારત માટે કાયમ માટે યાદગાર બની ગયો હતો. જે સુવર્ણ અક્ષરે લખાયો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.