May 16, 2024
લોકપ્રિય ટીવી શો તારક મહેતા કા ઉલ્ટા ચશ્મા(Tarak Mehta ka Ulta Chashma)ને દર્શકો ખૂબ પસંદ કરે છે. શોના તમામ પાત્રો દર્શકોને પસંદ આવી રહ્યા છે. જોકે, છેલ્લા કેટલાક સમયથી આ શો તેની કાસ્ટને લઈને ખૂબ જ ચર્ચામાં છે. ઘણા જૂના પાત્રોએ શો છોડી દીધો છે અને હવે શોના એક મહત્વપૂર્ણ પાત્રની વિદાયના સમાચાર પણ સામે આવી રહ્યા છે. રિપોર્ટ્સ અનુસાર, ટપ્પુનું પાત્ર ભજવનાર રાજ અનડકટ(Raj Undkat) શો છોડવા જઈ રહ્યો છે.
એક અહેવાલ મુજબ રાજ ઘણા સમયથી શો છોડવાની તૈયારી કરી રહ્યો હતો. તેણે આ અંગે પ્રોડક્શન હાઉસ સાથે પણ વાત કરી હતી. જો કે હજુ આ અંગે કોઈ ફાઈનલ નિર્ણય આવ્યો નથી. અહેવાલ છે કે રાજનો કોન્ટ્રાક્ટ રિન્યૂ થવાનો છે અને હવે એક્ટર અને પ્રોડક્શન હાઉસે આ કોન્ટ્રાક્ટને આગળ ન લેવાનો નિર્ણય કર્યો છે. બંને વચ્ચે વાતચીત થઈ. આ પછી શોમાંથી બહાર જવાનું રાજે નકકી કર્યું છે.
એવા પણ સમાચાર છે કે રાજ ક્રિસમસ પહેલા તેનું શૂટિંગ પૂરું કરી લેશે. તે જ સમયે, આ વિશે શોના નિર્માતા અસિત મોદીએ કહ્યું, મને આ વિશે કઈ ખબર નથી.
શું બબીતા છે જવાબદાર?
જો કે, એવું પણ કહેવામાં આવી રહ્યું છે કે, રાજના શો છોડવા પાછળનું કારણ બબીતા જી છે. તમને જણાવી દઈએ કે થોડા દિવસોથી બબીતા જી એટલે કે મુનમુન દત્તા અને રાજના અફેરના ઘણા સમાચાર હતા. કહેવામાં આવી રહ્યું હતું કે બંને રિલેશનશિપમાં છે. જો કે આ અહેવાલો પર રાજ અને મુનમુન બંનેએ પોતાની પ્રતિક્રિયા આપી હતી. આ અહેવાલો ખોટા હોવાનું કહીને બંનેએ આ અટકળનો અંત લાવ્યા હતા. હવે તે જ જાણી શકે છે કે રાજના શો છોડવા પાછળનું કારણ શું છે.
Trending News
ભવ્યની બદલી કરવામાં આવી હતી:
તમને જણાવી દઈએ કે ભવ્ય ગાંધીએ શો છોડી દીધો ત્યારે રાજ શો તારક મહેતા કા ઉલ્ટા ચશ્મા સાથે સંકળાયેલો હતો. વર્ષ 2017માં તેમની જગ્યાએ રાજ આવ્યો. ભવ્યાએ 9 વર્ષ સુધી ટપ્પુનું પાત્ર ભજવ્યું હતું. આ પછી, રાજનું આ પાત્ર ભજવ્યા પછી, દર્શકો તેને આ રોલમાં પસંદ કરવા લાગ્યા કે હવે રાજના શો છોડવાના સમાચાર આવી રહ્યા છે. હવે દર્શકો પણ જાણવા માંગશે કે રાજની જગ્યાએ ટપ્પુનો રોલ કોણ કરશે. 2 ટપ્પુ પછી હવે દર્શકોને ત્રીજો ટપ્પુ ગમશે કે નહીં તે પણ એક સવાલ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
