જો કઈક સ્પાઈસી ખાવાની ઈચ્છા થઇ હોય તો ફટાફટ બનાવો ‘ટેસ્ટી મેક્રોની’ -જાણો રેસીપી

આજે અમે તમારી સાથે તવા મેકરોની બનાવવાની રેસીપી શેર કરવા જઈ રહ્યા છીએ. સૌથી સારી વાત એ છે કે, તે બનાવવું ખૂબ જ સરળ છે. જ્યારે તમે તવા સ્ટાઈલ મેકરોની બનાવીને ખાશો તો તમને તેનો સ્વાદ હંમેશા યાદ રહેશે.

જરૂરી સાધનસામગ્રી
મેક્રોની = 1.5 કપ
ટામેટાં = 2 મધ્યમ કદના બારીક સમારેલા
ડુંગળી = 1 મોટી સાઈઝ ઝીણી સમારેલી

કેપ્સીકમ = 1 મોટી સાઈઝને બારીક કાપો
આદુ-લસણની પેસ્ટ = 1 ચમચી
પાવ ભાજી મસાલો = 1 ચમચી

મરી પાવડર = ½ ચમચી
ચિલી ફ્લેક્સ = ½ ટીસ્પૂન
લાલ મરચું પાવડર = 1 ચમચી

કસુરી મેથી = ½ ચમચી
મીઠું = જરૂર મુજબ
ટોમેટો સોસ = 2 ચમચી

તેલ = 2 ચમચી
માખણ = 1 ચમચી

પદ્ધતિ
તવા મેકરોની બનાવવા માટે સૌથી પહેલા મેકરોનીને બાફી લો. એક કડાઈમાં એક લિટર પાણી નાખીને ગરમ કરવા માટે રાખો. પાણી ઉકળે પછી તેમાં એક ચમચી મીઠું ઉમેરો.

પછી તેમાં મેકરોની નરમ થાય ત્યાં સુધી તેને પકાવો. જ્યારે મેકરોની નરમ થઈ જાય ત્યારે ગેસ બંધ કરો અને મેકરોનીને ગાળીને બહાર કાઢી લો અને મેકરોની ઉપર પાણી રેડો.

હવે ગેસ પર એક મોટી તપેલી મૂકો પછી તેમાં તેલ અને બટર ઉમેરીને ગરમ થવા દો. ત્યારબાદ તેમાં ડુંગળી અને કેપ્સીકમ ઉમેરીને એકથી દોઢ મિનિટ સુધી ધીમા તાપે શેકો. જેનાથી ડુંગળી આછા ગુલાબી થઈ જાય છે અને કેપ્સિકમ સહેજ નરમ થઈ જાય છે.

ત્યારબાદ તેમાં આદુ-લસણની પેસ્ટ નાખીને તેને પણ સાંતળો. હવે ટામેટાં ઉમેરો અને ટામેટાંને 30 સેકન્ડ માટે પકાવો. કારણ કે, ટામેટાં સોફ્ટ હોવું જરૂરી નથી.

પછી બાફેલી મેકરોની, મીઠું, કસૂરી મેથી, કાળા મરીનો પાવડર, પાવભાજી મસાલો, ચિલી ફ્લેક્સ અને લાલ મરચું પાવડર ઉમેરો અને બધું બરાબર મિક્સ કરો. તેની સાથે મિક્સ કરતી વખતે જો મસાલો બળી ન જાય તે માટે બે ચમચી પાણી ઉમેરીને પકાવો.

જ્યારે બધા મસાલા મેકરોનીમાં સારી રીતે ભળી જાય ત્યારે તેમાં ટોમેટો સોસ ઉમેરો અને તેને પણ મિક્સ કરો. હવે તમારો તવા મેકરોની તૈયાર છે. ત્યારબાદ સર્વિંગ પ્લેટમાં ગરમાગરમ મેકરોની કાઢી લો અને આ ટેસ્ટી સ્પાઈસી મેકરોનીનો આનંદ લો.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.