છેલ્લી ઘડીએ પ્રચારમાં એડીચોટીનું જોર- ચુંટણી જીતવા ભાજપે મેદાને ઉતાર્યા ‘તારક મહેતા’ના કલાકારો

1લી ડિસેમ્બરના રોજ ગુજરાતમાં વિધાનસભાની ચૂંટણી (Gujarat Election 2022)માં પ્રથમ તબક્કાનું મતદાન પૂર્ણ થઈ ચુક્યું છે, જોકે બીજા તબક્કાની ચૂંટણી 5 ડિસેમ્બરના રોજ યોજવામાં આવી છે. જેનો પ્રચાર હજુ ચાલી રહ્યો છે. આ દરમિયાન ગાંધીનગર (Gandhinagar)ની ઉત્તર બેઠક પર ભાજપના ઉમેદવાર રીટા પટેલ (Rita Patel)નો આજે રોડ-શૉ(Road-show) છે. જેમાં TV સીરિયલના કલાકારો સાથે ભાજપના ઉમેદવાર આજે રોડ-શૉ કર્યો છે.

5મી ડિસેમ્બરે બીજા તબક્કાનું મતદાન:
1લી ડિસેમ્બરના રોજ પ્રથમ તબક્કાનું મતદાન પૂર્ણ થતા 5મી ડિસેમ્બરે બીજા તબક્કાના 14 જિલ્લાની કુલ 93 વિધાનસભા બેઠકો માટે મતદાન થવાનું છે. સોમવારના સવારના 8 વાગ્યાથી મતદાન શરૂ થઇને સાંજના 5 વાગ્યા સુધી મતદાન શરૂ રહેશે.

જ્યારે આજ રોજ શનિવારના સાંજના પાંચ વાગ્યા બાદ જાહેરમાં ચૂંટણી પ્રચાર કે સભાઓ અને રેલી કે રોડ શો પર પ્રતિબંધ લાગી જશે. આ સાથે જ હવે પ્રચારના છેલ્લા દિવસે રાજકીય પાર્ટીઓ દ્વારા છેલ્લી ઘડીના પ્રચાર માટે એડીચોટીનું જોર લગાવવામાં આવી રહ્યું છે.