May 17, 2024
સામાન્ય રીતે લોકો તેમના લગ્નના થોડા દિવસો બાદ હનીમૂન માટે જતા હોય છે, પરંતુ એક દંપતીએ તેમનું હનીમૂન પૂરે પુરા બે વર્ષ સુધી મનાવ્યું અને તેના પર લાખો રૂપિયા ખર્ચ્યા. એટલું જ નહીં, પતિ -પત્ની સિવાય તેમનું બાળક અને પાલતુ કૂતરો પણ આ હનીમૂન પર ગયા હતા. હનીમૂનનો આ રસપ્રદ કિસ્સો બ્રિટનના એક દંપતી સાથે સંબંધિત છે.
રોસ અને સારાએ વર્ષ 2019 માં લગ્ન કર્યા હતા અને પછી તેઓએ વિશ્વની મુસાફરી કરવાનું નક્કી કર્યું. પરંતુ તેમનું હનીમૂન સામાન્ય વેકેશન નહોતું, પરંતુ આ માટે તેમણે પહેલા નોકરી છોડી દીધી અને પછી પોતાનું ઘર ભાડે આપ્યું. આ પછી, દંપતી તેમના 5 વર્ષના પુત્ર અને તેમના લેબ્રાડોરને પણ સફર પર લઈ ગયા.
આ ‘ફેમિલી મૂન’ દરમિયાન, આ લોકોએ ફ્રાન્સથી સ્વિટ્ઝરલેન્ડ, ઇટાલી, સ્પેન, તુર્કી અને બલ્ગેરિયાની મુસાફરી કરી. મળતી માહિતી અનુસાર, હવે આ દંપતી પાછા આવી ગયા છે. તેમનો પુત્ર જે સફર દરમિયાન 3 વર્ષનો હતો તે હવે 5 વર્ષનો છે. ભૂતપૂર્વ રોયલ મરીન કમાન્ડો રોસ કહે છે કે દરેક દિવસ નવા સાહસો લાવે છે.
દંપતીએ પોતાની વાનમાં આખી સફર પૂરી કરી અને તેના માટે લગભગ 13 લાખ રૂપિયા ખર્ચ્યા. રોસ સમજાવે છે કે જ્યારે પણ તે પોતાની વાનનો દરવાજો ખોલે છે, ત્યારે તે પોતાની જાતને એક નવી જગ્યાએ શોધે છે અને તમને ખબર નથી કે આગળ શું થવાનું છે. તેમણે કહ્યું કે અમે સાથે મળીને ક્વોલિટી ટાઇમ પસાર કરવા માંગતા હતા અને આ નિર્ણય સરળ નહોતો.
Trending News
તેમણે કહ્યું કે નિયમિત નોકરી અને પગાર સાથે આ કરવું કદાચ મુશ્કેલ હતું. તેથી જ તેમણે નોકરી છોડવાનો નિર્ણય કર્યો. તે કહે છે કે અમારી સફર પહેલા બધાએ વિચાર્યું કે આ લોકો થોડા અઠવાડિયામાં પાછા આવશે અને તેમના માથા પર સવાર થવાનું ભૂત દૂર થઈ જશે પરંતુ એવું બન્યું નહીં.
રોસ કહે છે કે જ્યારે લોકો આજે આપણને જુએ છે ત્યારે તેઓ આશ્ચર્યચકિત થાય છે. અમે દરેક ક્ષણ સુંદર રીતે પસાર કરી અને તે કદાચ મારા જીવનનો શ્રેષ્ઠ નિર્ણય હતો. તેની પત્ની સારાએ જણાવ્યું હતું કે અમારી સફર પહેલા લોકોએ અમને ઘણા પ્રશ્નો પૂછ્યા હતા અને ખાસ કરીને નોકરી છોડવાના કારણે તેઓ અમારા વિશે પણ ચિંતિત હતા.
સારાએ કહ્યું કે કોરોના મહામારી દરમિયાન અમારો સમય વધુ સારો ગયો. જો અમે આ સમય દરમિયાન ફરતા ન હોત, તો લોકડાઉનને કારણે અમને ઘરમાં કેદ થવું પડત. પરંતુ અમે તે દિવસોમાં દરિયા કિનારે મસ્તી કરવામાં અમારો સમય પસાર કર્યો. જૂન 2021 માં આખો પરિવાર બ્રિટન પાછો ફર્યો છે, હવે હજુ પણ જૂના દિવસો યાદ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
