ઉધરસ શરૂ થયા પછી 72 કલાક સુધી ન લેવી જોઈએ દવા, છાતીમાં જામી શકે છે કફ, જાણો વિગતે

Cough Remedy: જ્યારે હવામાન બદલાય છે, ત્યારે તે આપણને આપણી દિનચર્યા, કપડાં, ખાવાની આદતો વગેરેમાં હવામાન અનુસાર ફેરફારો થાય છે. ઘણા લોકો તેને ગંભીરતાથી લઇ પોતાની જીવનશેલીમાં બદલાવ કરે છે.પરંતુ ઘણીવાર બદલાતા વાતાવરણના કારણે આપણે અનેક સ્વાસ્થ્યને લગતી સમસ્યાનો સામનો કરવો પડતો હોઈ છે.હવામાન બદલવાના કારણે મોટા ભાગના લોકોને ખાંસી,તાવ તેમજ શરદીની સમસ્યા રહે છે. જયારે પણ તમને ખાંસી થાય એના 72 કલાકમાં બને ત્યાં સુધી કફ સીરપ લેવાનું ટાળવું જોઈએ,કારણકે અમુકવાર કફ(Cough Remedy) બહાર નીકળવાના બદલે અંદર જ રહે છે જેના કારણે બીજી સમસ્યા થાય છે.

ઠંડા પવનથી બચવું જરૂરી છે
બદલાતા હવામાનની શરૂઆત સાથે જ તમે હૂંફાળું પાણી પીવાનું શરૂ કરી શકો છો. ફ્રિજમાં રાખેલી ખાદ્ય ચીજોને બાય-બાય કહેવું જોઈએ. આ સિવાય શિયાળામાં પ્રદૂષણનું સ્તર પણ વધી જાય છે. આ કારણે અસ્થમાના દર્દીઓ અથવા એલર્જીથી પીડિત લોકોને ઉધરસની સમસ્યા વધુ થાય છે.

બીજી તરફ, જ્યારે હવામાન બદલાય છે, ત્યારે આપણી રોગપ્રતિકારક શક્તિ થોડીક નબળી પડી જાય છે. શરીર પરિવર્તન માટે સંપૂર્ણપણે તૈયાર નથી. પરંતુ આપણે આપણી ખાવાની આદતો અને જીવનશૈલીમાં કોઈ ફેરફાર કરતા નથી. તેઓ શિયાળામાં પણ ઠંડી વસ્તુઓ ખાતા રહે છે. જ્યારે ઉધરસ શરૂ થાય છે, ત્યારે પણ લોકો વધુ પડતો તળેલા ખોરાક ખાતા રહે છે. આ બધાને લીધે ઉધરસ એકવાર શરૂ થઈ જાય તે બંધ થતી નથી, તે વધતી જ જાય છે. પ્રદૂષણને કારણે શ્વસન નળીઓમાં સોજો આવવો સામાન્ય બની જાય છે. પરિણામ ઉધરસ છે.

એલર્જીને કારણે ઉધરસ
આ ઉધરસ ઋતુ પ્રમાણે થતી નથી. આ કોઈપણ સિઝનમાં થઈ શકે છે. ઉધરસ, વારંવાર છીંક આવવી, નાકમાંથી પાણી પડવું જેવી સમસ્યા થઇ શકે છે. વાસ્તવમાં, આ કોઈ એલર્જીના કારણે હોઈ શકે છે.