May 15, 2024
દરેક વ્યક્તિ સૌથી સુંદર દેખાવા માંગે છે અને દરેક વ્યક્તિ એવું ઇચ્છતી હોય છે કે, લોકો તેની સુંદરતાના વખાણ કરે. પરંતુ કુદરત આપણને આપે છે તેમ આપણે તેને અપનાવવું જોઈએ. જો કે, ઘણા લોકો આ કરી શકતા નથી અને તેઓ વધુ સુંદર દેખાવા માટે તેમનો દેખાવ બદલવા માટે તૈયાર છે. તાજેતરમાં જ જાપાન (Japan)ની એક યુવતીએ પણ ખુલાસો કર્યો હતો કે તેણે તેના ચહેરાને સુંદર બનાવવા માટે પ્લાસ્ટિક સર્જરી(Plastic surgery) કરાવી છે, પરંતુ બધાને આશ્ચર્ય થયું કે તેણે ખૂબ જ નાની ઉંમરથી સર્જરી કરાવી લીધી હતી.
ઓડિટીસેન્ટ્રલ ન્યૂઝ વેબસાઈટના રિપોર્ટ અનુસાર, zirazyo_ (10 વર્ષની જાપાની છોકરી પ્લાસ્ટિક સર્જરી) નામની છોકરીએ તાજેતરમાં સોશિયલ મીડિયા પ્લેટફોર્મ ટિકટોક પર એક વીડિયો શેર કર્યો હતો અને જણાવ્યું હતું કે તેનો સુંદર ચહેરો પ્લાસ્ટિક સર્જરીનું પરિણામ છે અને તેણે ઘણી નાની ઉંમરથી સર્જરી કરાવવાનું શરૂ કર્યું હતું. આ છોકરીએ સર્જરી પાછળ 57 લાખનો ખર્ચો કર્યો છે. આ વાતની જાણ થતા લોકોએ તેને જોરદાર ટ્રોલ કરી હતી.
Trending News
પાંચમા ધોરણથી સર્જરી કરાવવી:
યુવતીએ જણાવ્યું કે, જ્યારે તે ત્રીજા ધોરણમાં હતી ત્યારે તેની આંખોની આસપાસ ટેપ લગાવીને તેને સીધી કરતી હતી. તેની માતાએ તેને એકવાર કહ્યું હતું કે તેને કાયમી બનાવવા માટે સર્જરી કરવી પડે છે. પછી દીકરીએ જીદ કરી કે તેને આંખનું ઓપરેશન કરાવવું પડશે. પાંચમા ધોરણમાં આવ્યા બાદ તેના માતા-પિતાએ તેની સર્જરી કરાવી.
10-11 વર્ષની ઉંમરે, જ્યારે તેણીએ પ્રથમ વખત સર્જરી કરાવી ત્યારે તે ખૂબ જ ખુશ હતી અને પછી તેણે નક્કી કર્યું કે તે સર્જરી દ્વારા તેના ચહેરાને સુધારશે. તેણીના શાળાના દિવસો દરમિયાન તેણીની સર્જરી પછી તેના સાથીદારો તેણીને ખૂબ ચીડવતા હતા કારણ કે તેણીને અલગ અને વિચિત્ર લાગવા માંડ્યું હતું. જોકે, જીરાજ્યો કહે છે કે તેમનામાં આત્મવિશ્વાસ વધી ગયો હતો.
57 લાખનો ખર્ચ કર્યો હતો:
આ પછી તેણે એક પછી એક સર્જરી કરાવીને તેણે પોતાનો ચહેરો સંપૂર્ણપણે બદલી નાખ્યો છે. યુવતીએ જણાવ્યું કે તેણે તેની સર્જરી પાછળ 57 લાખ રૂપિયાથી વધુનો ખર્ચ કર્યો છે અને હવે તે સોશિયલ મીડિયા પર તેના ચહેરાની સત્યતા જણાવીને કોઈ વ્યક્તિ કુદરતી ચહેરામાં સુંદર દેખાય છે તે ભ્રમ તોડવા માંગે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
