November 28, 2024
વડોદરાના રિલાયન્સ સ્ટેડિયમ ખાતે રમાયેલી ત્રીજી અને અંતિમ વનડે મેચમાં ભારતીય મહિલા ક્રિકેટ ટીમે એક આકર્ષક મેચમાં દક્ષિણ આફ્રિકાને 6 રને પરાજય આપ્યો હતો. આ જીત સાથે ભારતે ત્રણ મેચની શ્રેણી 3-0 થી ક્લિન સ્વીપ કરી લીધી છે. અહીં, ભારતે ટોસ જીતીને પ્રથમ બેટિંગ કરવાનો નિર્ણય કર્યો હતો. ભારતની શરૂઆત ખૂબ જ ખરાબ હતી અને બંને ઓપનર પ્રિયા પુનિયા અને જેમીમહ રોડ્રિગ્સ માત્ર 5 રનના કુલ સ્કોર પર પેવેલિયન પરત ફર્યા હતા.
ભારત તરફથી હરમનપ્રીત કૌરે સૌથી વધુ 38 રનની ઇનિંગ્સ રમી હતી. કૌર સિવાય શિખા પાંડેએ પણ 35 રનની મહત્વપૂર્ણ ઇનિંગ્સ રમી હતી. ભારતીય ટીમ 45.5 ઓવરમાં 146 રનમાં પડી ગઈ હતી. દક્ષિણ આફ્રિકા તરફથી મરિજાન કેપે 3, શબ્નીમ ઇસ્માઇલ 2, આયબોન્ગા ખાકા 2, સુન લુસે 1, તુમિ સેખુખુને 1 અને નોન્ડોમિસો શંગસે 1 વિકેટ લીધી.
Trending News
ભારતીય ટીમના 147 રનના લક્ષ્યાંકનો પીછો કરવા માટે દક્ષિણ આફ્રિકાની મહિલા ટીમે ભારે જહેમત ઉઠાવી હતી અને ભારતીય ટીમમાં જબરદસ્ત સ્પર્ધા થઈ હતી. જોકે, લક્ષ્ય સુધી પહોંચતા પહેલા મુલાકાતી ટીમ 48 ઓવરમાં 140 રન બનાવીને પતન પામી હતી. દક્ષિણ આફ્રિકા તરફથી મેરિસન કેપે સૌથી વધુ 29 રન બનાવ્યા.
સુન લુસે 24 અને ઓપનર લૌરા વોલ્વર્ડે 23 રનનું યોગદાન આપ્યું હતું. ભારત તરફથી એકતા બિશ્તે 3, દિપ્તી શર્માએ 2 અને રાજેશ્વરી ગાયકવાડે 2 વિકેટ લીધી હતી. જ્યારે માનસી જોશી, હરમનપ્રીત કૌર અને જેમીમહ રોડ્રિગ્સને એક-એક વિકેટ મળી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
તમે અમને વૉટસએપ, ટેલિગ્રામ, ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.