November 26, 2024
સુરતમાં નવા નવા નિમાયેલા પોલીસ કમિશનર શ્રી અજયકુમાર તોમર તેમજ સુરત શહેરના અધિક પોલીસ કમિશનર ટ્રાફિક ડિપાર્ટમેન્ટના શરદ સિંઘલ શહેરમાં ચાલી રહેલ જુગારની પ્રવૃત્તિ ઉપર ચાંપતી નજર રાખી રહ્યા હતા.
એવામાં ક્રાઈમ બ્રાન્ચના આસિસ્ટન્ટ પોલીસ કોન્સ્ટેબલ યોગેન્દ્રસિંહ દિલુભા ને મળેલી બાતમીના આધારે ગૌરવપથ પર આવેલા મોનાર્ક આર્કેડમાં બીજા માળે આવેલ ઓફિસ નંબર 226 માંથી વિક્ટર આઈટી સોલ્યુશન નામની ઓફિસમાં આરોપી જીગર, રાહુલ અને કાર્તિક ઓફિસ ખોલી અન્ય આરોપીઓ સાથે મળી ઓનલાઈન જુગાર રમવા માટે અમદાવાદના ભરતભાઈ પાસેથી યુકેમાં સર્વર ભાડેથી લઈ ફેક આઈડી બનાવી, જુદી જુદી વેબસાઈટ બનાવી અરમાનીયા દેશના નારિક નામના વ્યક્તિ પાસેથી ઓનલાઈન વેબસાઈટમાં જુગાર રમતનો લાઇવ વિડિયો મૂકી તે વેબસાઈટમાં તીનપતીનો જુગાર રમાડતા હતા.
આ ઉપરાંત રૂલેટ, ડ્રેગન ટાઈગરનો જુગાર તેમજ અન્ય જુગાર રમાડતા હતા. આ ઉપરાંત ક્રિકેટ, ટેનિસ તથા ફૂટબોલ વગેરેની રમત પર હારજીતનો જુગાર રમાડતા હતા.
Trending News
પોલીસે ત્યાં જે રેડ કરતા આ જુગારીઓ ઝડપાયા હતા. પોલીસે ઘટના સ્થળ પરથી 13 નંગ લેપટોપ તથા 8 મોબાઈલ અને એલઈડી ટીવી જપ્ત કર્યા હતા.પોલીસે કુલ કિંમત રૂ 8,26,000નો મુદ્દામાલ કબજે કરી કાનૂની કાર્યવાહી હાથ ધરેલ છે.
આ રમતમાં પકડાયેલા આરોપીઓના નામ આ પ્રમાણે છે: જીગર દીપકભાઈ ટોપીવાલા, રાહુલ પ્રહલાદભાઈ પ્રજાપતિ, કાર્તિક રવજીભાઈ હિસોરીયા, હુસેન નવસાદ કોકાવાળા, ભાવિક કિરણભાઈ શેઠ, ફલક મનીષ કાબરા વાલા, જૈમેશ મુકેશભાઈ રાઠોડ, અર્જુન કિરણ ભાઈ કંસારા, કૃષાન નિમેષભાઈ કંસારા, રાજદીપ દીપચંદ આનંદ, ઈશીતાબેન દીપકભાઈ ગાંધી, કૃપાબેન નરેશકુમાર પેઇન્ટર, શશાંક રાજેન્દ્રકુમાર ટેલર સહિતની ધરપકડ કરી હતી.અને તેમના વિરુદ્ધ કાયદેસરની ફોજદારી કાર્યવાહી હાથ ધરી છે. જ્યારેંઅર્માનીયા અને અમદાવાદ વાળા આરોપીને વોન્ટેડ જાહેર કરાયા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews