ખેડૂતો-પશુપાલકો માટે ખુશખબર; આ વર્ષે ચોમાસું સામાન્ય કરતા વધુ સારું રહેશે, હવામાન વિભાગે કરી આગાહી

Gujarat Weather News: નાળાની શરૂઆતથી જ ગુજરાતમાં ગરમી સતત વધી રહી છે. ભીષણ ગરમી વચ્ચે વરસાદ પણ થઇ રહ્યો છે. ભારતીય હવામાન વિભાગ દ્વારા સારા સમાચાર આપવામાં આવ્યા છે. હવામાન વિભાગે દેશમાં સારા વરસાદની આગાહી કરી છે.જૂનથી સપ્ટેમ્બર સુધી સારા વરસાદની(Gujarat Weather News) અપેક્ષા છે. મોસમનો કુલ વરસાદ સરેરાશ 87 સેમી, એટલે કે 106 ટકા રહેવાની ધારણા છે. આ વર્ષે ગુજરાતમાં ચોમાસું પણ સામાન્ય કરતાં સારું રહેશે તેવો અંદાજ છે.

IMDએ માહિતી આપી
ભારતીય હવામાન વિભાગ (IMD) અનુસાર, સમગ્ર દેશમાં જૂનથી સપ્ટેમ્બર સુધી ચોમાસાના વરસાદનો લાંબો સમયગાળો રહેવાનો છે. આ દરમિયાન લગભગ 106 ટકા વરસાદનું અનુમાન છે. આ વર્ષે ચોમાસું સામાન્ય કરતાં વધુ રહેવાની સંભાવના છે. 1971થી 2020 સુધીના 50 વર્ષના વરસાદના આંકડા અનુસાર, આ વર્ષે 87 સે.મી વરસાદની ધારણા છે.

ભારતીય દક્ષિણ-પશ્ચિમ ચોમાસા માટે અનુકૂળ
ભારતમાં ચાર મહિનાની ચોમાસાની ઋતુ (જૂનથી સપ્ટેમ્બર)માં સામાન્ય કરતાં વધુ વરસાદ થવાની સંભાવના છે અને લાંબા ગાળાની સરેરાશ (87 સે.મી.)ના 106 ટકા જેટલો સંચિત વરસાદનો અંદાજ છે. ચોમાસાની ઋતુ દરમિયાન હિંદ મહાસાગરના દ્વિધ્રુવની સ્થિતિની આગાહી કરવામાં આવે છે. ઉપરાંત, ઉત્તર ગોળાર્ધમાં બરફનું આવરણ ઓછું છે. આ સ્થિતિ ભારતીય દક્ષિણ-પશ્ચિમ ચોમાસા માટે અનુકૂળ છે, એમ તેમણે જણાવ્યું હતું.

આ વર્ષે ચોમાસું સામાન્ય કરતાં વધુ રહેવાની સંભાવના
ભારતીય હવામાન વિભાગ પ્રમાણે સમગ્ર દેશમાં જૂનથી સપ્ટેમ્બર સુધી ચોમાસાના વરસાદનો લાંબો સમયગાળો રહેવાનો છે. આ દરમિયાન લગભગ 106 ટકા વરસાદનું અનુમાન છે. આ વર્ષે ચોમાસું સામાન્ય કરતાં વધુ રહેવાની સંભાવના છે. 1971થી 2020 સુધીના 50 વર્ષના વરસાદના આંકડા અનુસાર, આ વર્ષે 87 સે.મી વરસાદની ધારણા છે.