રૂપિયાની લાલચે માતાએ વેચી દીધું 3 મહિનાનું સંતાન, બાદમાં એવી કહાની ઘડી કે… પોલીસ પણ ગોટે ચડી

ઇલાહીબાગ: આ કહેવત તો બધાએ સાંભળી જ હશે કે, “સાકર વિના મોળો કંસાર, મા વિના સુનો સંસાર” આવી ઘણી કહેવતો માતા પર બની છે. કારણ કે, માતા એ વ્યક્તિ છે જેને પોતાના સંતાનો પ્રત્યે ક્યારેય પ્રેમ ઓછો થતો નથી. પરંતુ હાલ એક એવો કિસ્સો સામે આવી રહ્યો છે જેમાં એક માતાએ માત્ર 50 હજાર માટે પોતાના 3 મહિનાના સંતાનને વેચી દીધું હતું.

ગરીબી અને લાચારી આગળ કોઈ પણ લાચાર થઈ જાય છે. પરંતુ, આ માતાની લાલચ એવી હતી કે તેણે માત્ર 50 હજાર રૂપિયા માટે પોતાના 3 મહિનાના માસૂમ સંતાનને વેચી દીધું હતું. સંતાનને વેચ્યા બાદ તેણે અપહરણની જુઠ્ઠી કહાની પણ બનાવી નાખી. પોલીસ દ્વારા તત્પરતા દેખાડતા તપાસની શરૂઆત કરી અને CCTV ફૂટેજના આધાર પર જ એ બાળકને જપ્ત શોધી કાઢવામાં આવ્યું હતું. આ ઉપરાંત, એ બાળકને ખરીદનારી મહિલાને અને સંતાનની માતા બંનેને જ પોલીસ દ્વારા કસ્ટડીમાં લેવામાં આવ્યા છે.

ગોરખનાથ પોલીસ સ્ટેશનના ઇલાહીબાગ વિસ્તારની રહેવાસી મહિલા સલમા ખાતૂને પોલીસને જણાવ્યું હતું કે, તે શહનાઈ મેરેજ હાઉસ પાસેથી પગપાળા જઈ રહી હતી. આ દરમિયાન, લાલ સાડી પહેરેલી એક મહિલા ફોર વ્હીલમાં આવી અને બાળકને લઈને જતી રહી હતી. ત્યારબાદ, પોલીસની આખી ટીમને એક્શનમાં આવતા વાર ન લાગી અને સિટીના SP સોનમ કુમાર ઘટનાસ્થળે પહોંચી ગયા. CCTV ફૂટેજની મદદથી વધુ તપાસ શરૂ કરવામાં આવી છે. ફક્ત એક કલાકની અંદર આ ઘટનાનો ખુલાસો થઈ ગયો. ત્યારબાદ બંને મહિલાઓને પોલીસની કસ્ટડીમાં લઈ લેવામાં આવી હતી.

પોલીસે જણાવ્યું કે, જામીન આપીને બંને મહિલાઓને ઘરે જવા દીધી છે. પરંતુ, તપાસ હજુ પણ ચાલુ છે. અ ઉપરાંત, જાણવા મળ્યું છે કે પિતા પોતાના સંતાન માટે ઘણો પરેશાન હતો અને તેણે કહ્યું કે જો મારું સંતાન ન મળ્યું તો હું આપઘાત કરી લઇશ. આ ડરથી મહિલાએ એક કહાની બનાવી નાખી અને બાળકને વેચવાની જાણકારી છુપાવી દીધી. જાણવા મળ્યું છે કે, આ મહિલાના પહેલાથી જ 3 સંતાનો છે. તેણે વિચાર્યું હતું કે ચોથુ સંતાન વેચી દઈએ. બાળક તો ફરીથી થઇ જશે. એ બધી વાત તેણે પોલીસને કહી તો પાલીસ પણ આશ્ચર્યમાં મુકાઈ ગઈ હતી.