વર્ષો સુધી દેશની સેવા-રક્ષા કરી, નિવૃત થઈને પરત ફર્યા મોરબીના સિંહ જવાન- આખા ગામે ભવ્ય રીતે કર્યા વધામણા

મોરબી(ગુજરાત): આપણે એવા ઘણા દેશના સેના(Army)ના જવાનોને જોતા હોઈએ છીએ, જે કાયમ માટે દેશની રક્ષા કરવા માટે તૈયાર હોય છે અને દેશની સેવા કરતા હોય છે. સેનાના જવાનો પોતાના પરિવાર(Family)ના લોકોથી જુદા રહીને દેશની રક્ષા કરતા હોય છે, ઘણીવાર દેશની સેવા કરતા કરતા ઘણા જવાનો શહીદ પણ થઇ જતા હોય છે.

જયારે સેનાના સૈનિકો પોતાની ફરજ પૂરી કરીને વતન પરત ફરે ત્યારે તમામ નિવૃત્ત સૈનિકોનું ગામના લોકો દ્વારા ભવ્ય સ્વાગત કરે છે. એ જ રીતે આજે આપણે એક એવા નિવૃત્ત સૈનિકની વાત કરીશું જેણે સત્તર વર્ષ દેશની સેવા કરી. જણાવી દઈએ કે, આ જવાન હળવદ તાલુકાના રણજીતગઢ ગામમાં રહેતો હતો.

આ જવાનનું નામ દિલીપભાઈ જસવંતભાઈ સોનેગરા છે. આ જવાન જયારે નિવૃત થઈને તેમના વતને પરત આવ્યા ત્યારે ગામના લોકો દ્વાર મોટી સંખ્યામાં ભેગા થઈને તેમનું સ્વાગત કરવામાં આવ્યું હતું. આ જવાન નિવૃત થઈને તેમના વતન પહોંચ્યા તે સમયે ગામના લોકો દ્વારા ભેગા થઇને આ જવાનની શોભાયાત્રા પણ કાઢવામાં આવી હતી. આ જવાનને ગામના લોકોએ ફુલહાર પહેરાવીને તેમનું ભવ્ય સ્વાગત પણ કર્યું હતું.