October 08, 2024
ગુજરાતમાં દારૂના વેચાણ પર પ્રતિબંધ મુકવામાં આવ્યો છે. એમ છતાં સરકાર દ્વારા અવારનવાર દારૂના જથ્થાબંધ મુદામાલ ઝડપાયો હોવાની ઘટનાઓ સામે આવતી હોય છે. હાલમાં પણ આવી જ એક ઘટના સામે આવી રહી છે. અમદાવાદમાં આવેલ ધોળકામાં ભાજપના યુવા નેતા વિદેશી દારૂ સાથે પકડાયા છે.
ભાજપ શહેર યુવા મોરચાના પ્રમુખ નીરવ કાછીયા પટેલ કુલ 3 નંગ વિદેશી દારૂ સાથે પકડાયો છે. અમદાવાદ જિલ્લાના બાવળા તથા ધોળકા તાલુકામાં બુટલેગરો દ્વારા ગેરકાયદેસર ઈંગ્લીશ દારૂની હેરાફેરી તથા કટીંગ સતત વધતું જઈ રહ્યું છે ત્યારે ધોળકા પોલીસ દ્વારા શહેરી વિસ્તારમાં જિલ્લા પોલીસવડાની સુચનાથી પેટ્રોલીંગ હાથ ધર્યું હતું.
જેમાં ધોળકા શહેરી વિસ્તારમાં પેટ્રોલીંગ દરમ્યાન નીરવભાઈ બાલકૃષ્ણભાઈ કો.પટેલને એક મીણીયાના થેલામાં ગેરકાયદેસર પાસ પરમીટ વિના ઈંગ્લીશ દારૂની 3 બોટલની કિંમત 1,500 અને એક મોબાઈલની કિંમત 10,000 સહિત કુલ 11,500 રૂપિયાના મુદ્દામાલ સાથે પકડી પાડીને કાયદેસરની કાર્યવાહી હાથ ધરવામાં આવી હતી,
Trending News
જ્યારે પ્રાથમિક તપાસમાં પકડાયેલ શખ્સ ધોળકા શહેર ભાજપ યુવા મોરચાનો પ્રમુખ હોવાનું સામે આવતાં સ્થાનિક ભાજપના રાજકારણમાં ગરમાવો વ્યાપી જવા પામ્યો હતો. યુવા ભાજપના પ્રમુખ જ દારૂની સાથે ઝડપાતા ભાજપના હોદ્દેદારો સહિત આગેવાનોમાં અનેક ચર્ચાઓ વહેતી થવાં લાગી હતી.
ધોળકા પોલીસ સ્ટેશનના હેડ કોન્સ્ટેબલ જગદીશભાઇએ કહ્યું હતું કે, પેટ્રોલિંગ દરમિયાન બાતમી મળી હતી. બાતમીને આધારે પુલેન સર્કલ પાસેથી દારૂ સાથે નીરવ કાછીયાની ધરપકડ કરવામાં આવી હતી. આ દરમિયાન તેમની પાસેથી એક થેલામાં કુલ 3 નંગ વિદેશી દારૂની બોટલ મળી આવી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle