હવામાન વિભાગની ગરમી લઈને મોટી આગાહી- કાળઝાળ ગરમી માટે તૈયાર રહેજો, જાણો રાજ્યમાં કેટલા ડીગ્રી રહેશે તાપમાન

Gujarat Weather Forecast: હવામાન વિભાગે ફરી એકવાર ગરમીને લઈ આગાહી કરવામાં આવી છે. જે આગાહી એવી છે કે તમારો પસીનો છૂટી શકે છે. રાજ્યમાં આવનાર દિવસોમાં તાપમાનમાં વધારો થવાની (Gujarat Weather Forecast) આગાહી કરવામાં આવી છે. જ્યાં ચાર દિવસ પછી તાપમાનમાં 1 થી 2 ડિગ્રીનો વધારો થઇ શકે છે. જેના કારણે ગરમીમાં વધારો થઈ શકે છે.

હળવા વરસાદની આગાહી
મળતી માહિતી અનુસાર, અમદાવાદ અને ગાંધીનગરમાં 38 ડિગ્રી તાપમાન નોંધાયું છે. તેમજ સૌથી વધુ 38.7 ડિગ્રી તાપમાન રાજકોટમાં નોધવામાં આવ્યું છે. આ સાથે જ હવામાન વિભાગે કચ્છમાં હળવા વરસાદી છાંટા પડવાની શકયતા વ્યક્ત કરવામાં આવી છે.

ગરમીનો પારો વધશે
આવનાર દિવસોમાં પણ ગરમીનો પારો વધવાની શક્યતાઓ વય્ક્ત કરવામાં આવી છે. આવા સંજોગોમાં લૂ લાગવાની શક્યતા વધુ રહે છે. વધુ પડતી ગરમીના કારણે ખાસ કરીને નાના બાળકો, સગર્ભા માતાઓ, વૃધ્ધો, અશક્ત બીમાર હોય તેવા દર્દીઓ, શ્રમિકો અને ખેતમજુરોને લૂ લાગવાની ઘટના વધુ પ્રમાણમાં બની શકે છે. જે જીવલેણ પણ બની શકે છે.

શરીર અને માથાનો દુખાવો થવો, શરીરનું તાપમાન વધી જવું, ખૂબ તરસ લાગવી, ત્વચા ગરમ, લાલાશવાળી અને શુષ્ક થઈ જશે, ઉલટી કે ઉબકા થવા કે આવવા, આંખે અંધારા કે ચક્કર આવવા,શ્વાછોસ્વાસ અને હ્રદયના ધબકારા વધી જવા, અતિ ગંભીર હોય તેવા કિસ્સામાં ખેંચ આવવી, બેભાન થઈ જવું જેવા લક્ષણો લુ લાગવા સમયે થાય છે. તે દરેક નાગરીકે જાણવું જરૂરી છે. લુ લાગવાથી બચવાના ઉપાયો કરવા આવશ્યક છે.