હાર્ટએટેક સામે જિંદગીની જંગ હાર્યો સુરતનો યુવક- 25 વર્ષીય સ્ટીયરિંગ પર ઢળી પડતા પરિવારમાં છવાયો માતમ

youth death heart attack in Surat:રાજ્યમાં હાર્ટએટેકથી વધુ એક યુવકનું મોત થયું છે. રાજ્યમાં દિવસે ને દિવસે હાર્ટએટેકમાં વધારો જોઅવા મળી રહ્યો છે. તેમાં હાલ સુરતના ઇચ્છાપોર વિસ્તારમાં(youth death heart attack in Surat) ટ્રક ડ્રાયવરનું શંકાસ્પદ હાર્ટ અટેકમાં મોત નીપજતા પરિવારમાં શોકનો માહોલ છવાઈ ગયો છે.યુવકના મોતના પગલે બે બાળકોએ પોતાના પિતાની છત્રછાયા ગુમાવી છે.

જ્યારે પત્ની પણ હાલ ગર્ભવતી છે.ઈચ્છાપોર વિસ્તારમાં આવેલી કંપનીમાં યુવક ટ્રક લઈ આવ્યો હતો,જ્યાં નો એન્ટ્રી હોવાના કારણે ગેટથી દૂર તેણે પોતાનું વાહન પાર્ક કરી ડ્રાયવર સીટના સ્ટેયરિંગ પર માથું મૂકી સુઈ ગયો હતો. જયારે સિક્યોરિટી ગાર્ડને યુવક બેભાન અવસ્થામાં મળી આવતા તાત્કાલિક તેને નજીકની ખાનગી હોસ્પિટલ લઈ જવામાં આવ્યો હતો.ત્યાં ફરજ પર હાજર ડોકટરે આ યુવકને મૃત જાહેર કર્યો હતો.

રાજકુમાર મૂળ મધ્યપ્રદેશનો વતની
મૂળ મધ્યપ્રદેશનો વતની અને હાલ છેલ્લા ત્રણ વર્ષથી સુરતમાં રહી ટ્રાન્સપોર્ટ પર ટ્રક ડ્રાયવર તરીકે નોકરી કરતા ટ્રક ચાલકનું હાર્ટ અટેકમાં મોત નિપજ્યું છે.સુરત નવી સિવિલ હોસ્પિટલના સૂત્રો અને મૃતકના સબંધી રાજભોગ શાહુના જણાવ્યા અનુસાર,મૃતક રાજકુમાર શાહું અને તેનો પરિવાર મૂળ મધ્યપ્રદેશનો વતની છે.છેલ્લા ત્રણ વર્ષથી રાજકુમાર શાહુ સુરતના ટ્રાન્સપોર્ટ પર ટ્રક ડ્રાયવર તરીકે કામ કરી પોતાની પત્ની, બે સંતાનો અને પોતાના માતા-પિતાનું ગુજરાન ચલાવતો હતો.સુરતના ઈચ્છાપોર ખાતે આવેલ ખાનગી કંપનીમાં રાજકુમાર ટ્રક લઈ માલની ડિલિવરી માટે પોહચ્યો હતો.રાત્રિમાં સાડા મવ વાગ્યાનો સમય હોવાથી કંપનીમાં પ્રવેશ આપવામાં આવ્યો નહોતો.

રાજકુમાર કંપનીમાં ટ્રક લઈ ગયો હતો
કંપનીમાં નો એન્ટ્રી હોવાથી રાજકુમારને કંપનીના સિક્યોરિટી ગાર્ડે ગેટ પાસે રોકાવી દીધો હતો. રાજુકુમારે પોતાનો ટ્રક કંપનીના ગેટથી થોડા અંતરમાં પાર્ક કરી હતી.જ્યાં ટ્રકના ડ્રાયવર સીટની જગ્યાએ સ્ટેયરિંગ પર માથું મૂકી ત્યાં સુઈ ગયો હતો.ત્યારપછી કંપનીનો ગેટ ખુલતા વાહનોને પ્રવેશ આપવામાં આવ્યો હતો.પરંતુ રાજકુમાર ટ્રક લઈ આગળ ન વધતા સિક્યોરિટી ગાર્ડ તેણે જોવા માટે ગયો હતો.જયારે સ્ટેયરિંગ પર માથું દઈ સુતેલ રાજકુમાર બેભાન અવસ્થામાં મળી આવ્યો હતો.ઘટનાની જાણ કંપની અને પોલીસને કરવામાં આવી હતી.જ્યાં તાત્કાલિક રાજકુમાર ને સારવાર માટે નજીકની ખાનગી હોસ્પિટલ લઈ જવામાં આવ્યો હતો.