કેશુબાપાથી લઈને મોદી સુધીના મોટા-મોટા રાજનૈતિક ધુરંધરો આ અપશુકનિયાળ બંગલામાં રહેવા જતા હાંફી જાય છે

ગાંધીનગર (ગુજરાત): રાજધાની (Capital) ગાંધીનગર (Gandhinagar) માં આવેલ મંત્રી નિવાસસ્થાનની પાછળ કેટલીક માન્યતા (Recognition) રહેલી છે કે, જેમાં જે કોઈપણ મુખ્યમંત્રી (Chief minister) એક નંબરના બંગલામાં રહે તો તેમણે એમનું પદ ગુમાવવાનો વારો આવે છે. ફક્ત આટલું જ નહીં, મંત્રીઓના બંગલામાં 13 નંબરનો બંગલો જ નથીપાસે

ગાંધીનગરમાં રાજભવનની સામેં જ મંત્રીઓ માટેના બંગલા આવેલ છે કે, જેમાં કુલ 42 બંગલા આવેલા છે. જેમાં તમામ બંગલાને નંબર ફાળવી દેવામાં આવ્યા છે પરંતુ 13 નંબરનો કોઈ બંગલો આવેલ નથી. કારણ કે, આ એક નંબર અપશુકનિયાળ હોવાની માન્યતા રહેલી છે. 12 નંબરના બંગલા બાદ 12-A એવો નંબર આપવામાં આવ્યો છે.

જેઓ એક નંબરના બંગલામાં રહે તેઓ 5 વર્ષ પૂરા ન કરી શકે:
ગુજરાતના મંત્રાલય, મંત્રીઓ, સચિવાલયમાં પ્રવર્તી રહેલ માન્યતાઓનો કોઈ પાર રહ્યો નથી. કેટલીક માન્યતા તો પ્રણાલીની માફક પાળવામાં આવતી હોય છે. એમાં પણ ખાસ કરીને તો 1 નંબરનો બંગલો એટલે કે, મુખ્યમંત્રી નિવાસમાં જે કોઇપણ CM રહે તેઓ શાસનનાં 5 વર્ષ પૂરા કરતા નથી. આ બંગલામાં રહેનાર માધવસિંહ સોલંકીથી લઈને કેશુભાઈ પટેલ સુધીના મુખ્યમંત્રી બન્યા બાદ આ બંગલામાં રહેવા આવ્યા અને તેમની સરકાર પડી ગઈ.

મોદીએ પણ 26 નંબરના બંગલામાં રહેવાનું પસંદ કર્યું હતું:
રાજ્યના મુખ્યમંત્રીને ફાળવવામાં આવતો એક નંબરનો બંગલો અપશુકનિયાળ માનવામાં આવે છે. વર્ષ 2001માં નરેન્દ્ર મોદી CM તરીકે આવ્યા ત્યારે તેમણે આ બંગલામાં રહેવાની પ્રણાલી તોડીને બંગલા નંબર 1ની પાસે આવેલ બંગલા નંબર 26માં રહેવાનું પસંદ કર્યું હતું.