કોરોનાના કહેર વચ્ચે હવામાન વિભાગની મોટી આગાહી: ગુજરાતના આ શહેરોને ભયંકર ગરમીનો સામનો કરવો પડશે

ગુજરાતમાં છેલ્લા બે ત્રણ દિવસતથી ઉનાળાની કાળઝાળ ગરમીનો પ્રારંભ થઈ ચૂક્યો છે. રવિવારના રોજ અમદાવાદ સહિત રાજ્યના કુલ 12 શહેરોમાં તાપમાનનો પારો 40 ડિગ્રીને પાર પહોંચ્યો હતો. અમદાવાદ શહેરમાં મહત્તમ તાપના 40.4 ડિગ્રી નોંધાયું હતું.

જ્યારે બીજી તરફ હવામાન ખાતા દ્વારા આગાહી કરવામાં આવી છે કે, બે દિવસ સૌરાષ્ટ્રના સોમનાથ, ભાવનગર-પોરબંદરમાં હિટવેવની શક્યતાઓ છે.  રવિવારે અમદાવાદ સહિત કુલ 12 શહેરોનો પારો 40 ડિગ્રીને પાર ગયો હતો. જેમાં સુરેન્દ્રનગર 41.3 ડિગ્રી સાથે રાજ્યનું સૌથી હોટેસ્ટ શહેર નોધારું હતું. આ સિવાય ડીસામાં ૪૧ડિગ્રી, ગાંધીનગરમાં 40.7 ડિગ્રી તેમજ રાજકોટમા મહત્તમ તાપમાન 40.7 ડિગ્રી નોધાયું હતું.

સાયક્લોનિક સરેક્યુલ્શનની સિસ્ટમ સર્જાતા ગુજરાતના વાતાવરણમાં પલટો આવ્યો હતો. આમ અચાનક વાતાવરણમાં આવેલા પલટાના કારણે રાજ્યમાં બપોરે ગરમી, વહેલી સવારે અને રાત્રે ઠંડી તથા કેટલાક ભાગોમાં કમોસમી વરસાદ પડતા ત્રણ ઋતુનો અનુભવ થયો હતો.