આ રહ્યો દુનિયાનો સૌથી નાનો માણસ, વજન અને ઉંચાઈ જોઈ મગજ કામ કરતુ બંધ થઇ જશે

હાલ એક ચોકાવનારી ઘટના સામે આવી છે. જેમાં 20 વર્ષના એક વ્યક્તિને વિશ્વના સૌથી ટૂંકા વ્યક્તિનું બિરુદ આપવામાં આવ્યું છે. અફશીન ઈસ્માઈલ ગદરજાદેહે (Afshin Ismail Ghadarzadeh) વિશ્વની સૌથી નાની વ્યક્તિ તરીકે ગીનીસ વર્લ્ડ રેકોર્ડ (Guinness World Records) માં પોતાનું નામ નોંધાવ્યું છે. 2 ફૂટ 1 ઇંચની ઊંચાઈ અને 6.5 કિલો વજન ધરાવતો ઈરાની યુવક અફશીન ખૂબ જ નબળું શરીર ધરાવે છે. જેના કારણે તેઓ મોબાઈલ(Mobile) જેવી નાની વસ્તુનો પણ ઉપયોગ કરી શકતા નથી.

જાણવા મળ્યું છે કે, જ્યારે અફશીનનો જન્મ થયો ત્યારે તેનું વજન 700 ગ્રામ હતું. તે ઈરાનના પશ્ચિમ અઝરબૈજાન પ્રાંતના બુખાન કાઉન્ટીનો રહેવાસી છે. તેની ઊંચાઈ 2 ફૂટ 1 ઇંચ (65.24 સેમી) છે. અફશીને કહ્યું કે તેનું નામ ગિનિસ વર્લ્ડ રેકોર્ડમાં આવ્યા બાદ આશા છે કે લોકો તેને ઓળખશે અને લોકો તેની મદદ પણ કરી શકશે. અફશીને કહ્યું કે તેને આશા છે કે તે તેના તમામ સપના પૂરા કરી શકશે.

અફશીને કોલંબિયાના 36 વર્ષીય એડવર્ડ “નીનો” હર્નાન્ડીઝનો 2.7 ઇંચની ટૂંકી ઊંચાઈનો રેકોર્ડ તોડ્યો છે. અફશીને કહ્યું કે તે શારીરિક રીતે એટલો નબળો હતો કે, તે ક્યારેય શાળાએ પણ જઈ શકતો ન હતો. તેને તેના સ્થાનિક ગામમાં પણ કોઈ કામ મળતું ન હતું.