જામનગરમાં સામુહિક આપઘાત: એક જ પરિવારની ત્રણ મહિલાઓએ ઝેરી દવા ગટગટાવીને મોતને કર્યું વ્હાલું- સમગ્ર પંથક શોકમાં થયો ગરકાવ

જામનગર(ગુજરાત): દેવભૂમિ દ્વારકા (Devbhoomi Dwarka) માં આવેલ ભાણવડ (Bhanvad) માં રહેતા એક જ પરિવારની ત્રણ-ત્રણ મહિલાઓએ સામૂહિક આપઘાત (Mass suicide) કરી લેતા સમગ્ર પંથકમાં અરેરાટી મચી જવા પામી છે. મૂળ જામનગર (Jamnagar) ના તેમજ છેલ્લા એક સપ્તાહથી ભાણવડ રહેવા માટે ગયેલા મુસ્લિમ પરિવારની માતા-પુત્રી તેમજ સાસુએ અગમ્ય કારણોસર સામૂહિક આપઘાત કરી લીધો છે.

જેને કારણે ભાણવડ પોલીસની ટીમે ઘટનાસ્થળે પર પહોંચીને આગળની તપાસ હાથ ધરી છે. મહત્વની વાત તો એ છે કે, સમગ્ર રાજ્યમાં ગુનાખોરીનું પ્રમાણ સતત વધતું જઈ રહ્યું છે ત્યારે દિવસેને દિવસે હત્યા, અપહરણ, આપઘાત તેમજ દુષ્કર્મનાં કેસમાં પણ વધારો થતો જઈ રહ્યો છે.

દ્વારકામાં આવેલ ભાણવડમાં એક સાથે ત્રણ-ત્રણ મહિલાઓએ આપઘાત કરી લેતા સમગ્ર પંથરમાં અરેરાટી મચી જવા પામી છે તેમજ પરિવારમાં પણ શોકનો માહોલ પ્રસરી ગયો છે. જાણવા મળ્યું છે કે, આ પરિવાર મૂળ જામનગરમાં આવેક શંકર ટેકરી વિસ્તારોનો રહેવાસી છે.