મંદિરમાં ચાલી રહી હતી દારૂ પાર્ટી અને પોલીસને ખબર પડતા રંગમાં પાડ્યો ભંગ

ગુજરાત રાજ્યમાં દારૂબંધી હોવા છતાં અવાર-નવાર મોટા પ્રમાણમાં દારૂ મળી આવે છે. ત્યારે આજે ફરી એક વખત ગુજરાતના રાજકોટમાંથી દારૂ મળી આવ્યો છે. આ વખતે તો મંદિરમાં દારૂ પાર્ટી થઈ રહી હતી. મળતી માહિતી અનુસાર, રાજકોટના 150 ફૂટ રિંગ રોડ પર મંદિરમાં બર્થડે પાર્ટીમાં દારૂની મહેફિલ માણી હોવાની ઘટના સામે આવતા માલવીયા નગર પોલીસ હરકતમાં આવી ગઇ અને CCTV માં નજરે આવતા 3 લોકોની પોલીસ દ્વારા અટકાયત કરવામાં આવી છે.

હાલમાં આ 3 આરોપીની ધરપકડ કરીને અટકાયત કરવામાં આવી છે. પુછપરછ દરમ્યાન જાણવા મળ્યું કે, આરોપીએ આ દારૂની બોટલો મંદિરમાં મૂકી હોવાનું સામે આવ્યું છે.  રાજકોટના 150 ફૂટ રિંગ રોડ પર આવેલ આંબેડકર નગર પાસે મેલડી માતાજીના મંદિરમાં રાત્રે 3 જેટલા શખ્સો દ્વારા CCTV તોડી મહેફિલ મળી હોવાની ઘટના સામે આવી સ્થાનિક લોકોમાં રોષ જોવા મળ્યો હતો. જોકે પોલીસ કમિશનર દ્વારા સમગ્ર મામલે તાપસના આદેશ આપવામાં આવ્યા છે.

જોકે પોલીસ કમિશનરના આદેશ બાદ માલવીયા નગર પોલીસ અને ACP કક્ષાના અધિકારીઓ કામે લાગ્યા હતા અને CCTV ફૂટેજના આધારે 3 આરોપીને ઝડપી પડ્યા હતા. જેમાં સંકેત, કમલેશ અને અજય નામના શખ્સની અટકાયત કરી અને જ્યારે પૂછપરછમાં ચોકવાનરી હકીકત સામે આવી હતી. જેમાં મંદિરની જમીનને લઈ વિવાદ ચાલતો હોય જેથી ત્યાં પ્રવેશ કરી અને પોલીસ અને સ્થાનિક લોકોને ગેરમાર્ગે દોરવાનો પ્રયાસ કર્યો હતો. જેમાં પોલિસે હાલ તો ત્રણેય આરોપીઓની અટકાયત કરી વધુ પૂછપરછ શરૂ કરી છે.