વેપારી પિતા-પુત્રને પઠાણી ઉઘરાણી કરી માર માર્યો, જુઓ એક્ષક્લુઝીવ વિડીયો

સુરતના પુણા વિસ્તારમાં આવેલી ગ્લોબલ માર્કેટમાં વેપારી પિતા-પુત્રને બે વ્યક્તિ દ્વારા માર મારવામાં આવ્યો હતો. એમ્બ્રોડરી વર્કના નીકળતા નાણાંની પઠાણી ઉઘરાણી કરવા બે લોકો આવ્યા હતા.આ દરમિયાન ઉશ્કેરાઈ ગયેલા બંને ઈસમોએ વેપારી પિતા-પુત્રને માર માર્યો હતો. આ ઘટના સીસીટીવીમાં કેદ થઈ ગઈ છે. પિતા-પુત્રએ સીસીટીવી આધારે ફરિયાદ નોંધાવતા પોલીસે તપાસ હાથ ધરી છે.

મળતી માહિતી પ્રમાણે, પુણા વિસ્તારમાં આવેલી ગ્લોબલ માર્કેટમાં ઉધનાના સિદ્ધિ એપાર્ટમેન્ટમાં રહેતા વેપારી રમેશ શંખલા પુત્ર મયંક સાથે અહમ ક્રિએશન નામની દુકાન ચલાવે છે. વેપારી પિતા-પુત્ર મહેશ અને રાજુ નામના ઈસમોનું એમ્બ્રોડરી વર્ક કરે છે. છેલ્લા થોડા મહિનાના એમ્બ્રોડરી વર્કના રૂપિયાની ચૂકવણી બાકી હતી. જેને લઈને 28 ડિસેમ્બરના રોજ મહેશ અને રાજુ અહમ ક્રિએશન ખાતે પહોંચ્યા હતા અને લેવાના બાકી નીકળતા રૂપિયાની ઉઘરાણી કરી હતી. દરમિયાન બંને ઈસમો દુકાનમાં રહેલી સાડીઓ લઈ જવાનો પ્રયાસ કરતા વેપારીએ ટકોર કરી હતી. જેથી ઉશ્કેરાઈ ગયેલા બંને ઈસમોએ વેપારીને અપશબ્દો બોલતા વાત મારામારી સુધી પહોંચી હતી.

લોકો ભેગા થઈ જતા હુમલાખોર નાસી છૂટ્યા હતા