November 16, 2024
આગ્રામાં એક જ પરિવારના ત્રણ સભ્યોની હત્યાથી સનસનાટી ફેલાઈ ગઈ છે. સોમવારે સવારે ઘરની અંદર બળી ગયેલી હાલતમાં ત્રણેયની લાશ મળી હતી. પોલીસનું કહેવું છે કે હત્યા બાદ મૃતદેહોને બાળી નાખવાનો પ્રયાસ કરવામાં આવ્યો છે. મૃતકોમાં પતિ, પત્ની અને યુવાન પુત્ર શામેલ છે. મૃતદેહોને પોસ્ટમોર્ટમ માટે મોકલી દેવાયા છે. પોલીસે તપાસ હાથ ધરી છે.
ઘટના પોલીસ મથક ઇટમદ્દુધૌલાના નાગલા કિશનલાલની છે. મૃતકોમાં રઘુવીર (55 વર્ષ), તેની પત્ની મીરા અને 22 વર્ષનો પુત્ર બબલુ છે. રઘુવીર ઘરમાં જ કરિયાણાની દુકાન ચલાવતો હતો. તે રવિવારે સાંજે તેના સાસરિયાથી પરત આવ્યો હતો. સોમવારે સવારે સાડા છ વાગ્યે આસપાસના લોકો તેની દુકાનમાંથી માલ લેવા આવ્યા હતા.
દુકાન બંધ હતી. બહારથી લોકો બુમ પડી રહ્યા હતા, પરંતુ અંદરથી કોઈ પ્રતિસાદ મળ્યો ન હતો. જ્યારે લોકોએ ઘરની અંદર ડોકું કરીને જોયું તો ધુમાડો નીકળી રહ્યો હતો. પડોશીઓએ અયોગ્ય બનાવની સંભાવના અંગે પોલીસને જાણ કરી હતી. પોલીસ ઘટના સ્થળે પહોંચી કોઈક રીતે ઘરનો દરવાજો ખોલ્યો હતો. પોલીસકર્મીઓ જ્યારે ઘરની અંદર ગયા ત્યારે તેઓ આ દ્રશ્ય જોઈને ચોંકી ગયા.
Trending News
બળી ગયેલી હાલતમાં ત્રણ લોકોના મૃતદેહ મળ્યા
રઘુવીર, પત્ની મીરા અને પુત્ર બબલુની લાશ જર્જરિત હાલતમાં એક જ રૂમમાં પડી હતી. બબલુ અને મીરાના હાથ બંધાયેલા હતા, જ્યારે રઘુવીરના ગળામાં ફાંસી હતી. ટ્રિપલ મર્ડર કેસની માહિતી મળતા આગ્રા ઝોનના એડિશનલ ડાયરેક્ટર જનરલ (એડીજી) અજય આનંદ, પોલીસ મહાનિરીક્ષક (આઈજી) એ.જી. સતિષ ગણેશ, વરિષ્ઠ પોલીસ અધિક્ષક (એસએસપી) બબલુ કુમાર પોલીસ દળ સાથે પહોંચ્યા હતા.
પોલીસ અધિકારીઓએ પરિવાર અને પડોશીઓની પૂછપરછ કરી હતી. એડીજી અજય આનંદે જણાવ્યું હતું કે નાગલા કિશન લાલમાં એક જ પરિવારના ત્રણ લોકોની હત્યા કરાઈ છે. હત્યા બાદ લાશને બાળી નાખવાનો પ્રયાસ થઈ રહ્યો છે. હત્યા કોણે કરી તેની તપાસમાં પોલીસ લાગી ગઈ છે. એડીજીએ ઘટનાસ્થળેથી કેટલાક પુરાવા મળ્યા હોવાનો દાવો કર્યો હતો. ટૂંક સમયમાં આ ઘટના સામે આવશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews