November 24, 2024
Jammu Kashmir Truck Accident: જમ્મુ અને કાશ્મીરના NH-44 પર બનિહાલમાં મંગળવારે સવારે એક વાહન પહાડ સાથે અથડાતા અકસ્માતમાં ચાર લોકોના મોત થયા છે.(Jammu Kashmir Truck Accident) માહિતી મળતા જ પોલીસ ઘટનાસ્થળે પહોંચી અને રાહત કાર્ય શરૂ કર્યું. આ પછી કાટમાળ નીચે ફસાયેલા મૃતદેહોને બહાર કાઢવામાં આવ્યા હતા.
ટ્રક ઉંડી ખાડીમાં પડતા 4 લોકોના મોત
મળતી માહિતી મુજબ, ટ્રક જમ્મુથી શ્રીનગર જઈ રહી હતી. આ દરમિયાન નેશનલ હાઈવે પર પહાડ પરથી એક મોટો પથ્થર પડ્યો અને સીધો ટ્રક સાથે અથડાઈ ગયો. જેના કારણે ટ્રક રોડ પરથી લપસીને ખાડામાં પડી હતી. ટ્રકમાં સવાર ચારેય મુસાફરોના ઘટના સ્થળે જ મોત થયા હતા. ઘટના બાદ પોલીસ અને બચાવ ટીમ ઘટનાસ્થળે પહોંચી અને મૃતદેહોને બહાર કાઢ્યા.
મૃત્યુ પામેલા લોકોની ઓળખ
અધિકારીઓએ જણાવ્યું છે કે, રામબન જિલ્લાના બનિહાલ વિસ્તારમાં શેર બીબી પાસે ટ્રક રસ્તા પરથી લપસી જવાને કારણે અને ખાઈમાં પડી જવાને કારણે આ ઘટના બની છે. અકસ્માતમાં મૃત્યુ પામેલા લોકોની ઓળખ અફઝલ ગારુ, અલ્તાફ ગરુ, ઈરફાન અહેમદ અને શૌકત અહેમદ તરીકે થઈ છે.
Trending News
અધિકારીઓએ જણાવ્યું કે, ભૂસ્ખલનને કારણે રાષ્ટ્રીય ધોરીમાર્ગ પરનો વાહનવ્યવહાર પણ બંધ કરી દેવામાં આવ્યો છે. બીજી તરફ કિશ્તવારી પાથેર બનિહાલમાં ભૂસ્ખલનને કારણે જમ્મુ શ્રીનગર નેશનલ હાઈવે પણ બંધ કરી દેવામાં આવ્યો છે. બંને તરફથી વાહન વ્યવહાર બંધ કરી દેવામાં આવ્યો છે. લોકોને માર્ગો જાણ્યા પછી જ NH-44 પર મુસાફરી કરવાની સલાહ આપવામાં આવી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube