વિધવા અને તેના પ્રેમીનું મોઢું કાળું કરી આખા ગામમાં ફેરવ્યા અને પછી….

ઉત્તરપ્રદેશના મૈનપુરી ના એક ગામમાં દલિત વિધવા અને એક વ્યક્તિને સાર્વજનિક રીતે શર્મસાર કરવાની ઘટના સામે આવી છે.પુરુષ અને મહિલા બંને એક જ સમુદાયના છે અને બંને વચ્ચે સંબંધ હોવાને લીધે ગ્રામ લોકોએ આ પગલું ભર્યું.

જણાવી દઈએ કે એક અઠવાડિયાની અંદર રાજ્યમાં આવો બીજો મામલો સામે આવ્યો છે. શુક્રવારની રાત્રે બનેલી આ ઘટનામાં મહિલા અને પુરુષ ના માથે મુંડન કરવામાં આવ્યું અને તેમના મોં કાળા કરવામાં આવ્યા અને તેમને ચપ્પલ નો હાર પહેરાવવામાં આવ્યો હતો. એટલું જ નહીં તેમને નગ્ન કરવાની પણ કોશિશ કરવામાં આવી હતી.

જો કે સમય રહેતા બંનેને પોલીસે બચાવી લીધા. આ ઘટનાનો એક વીડિયો સોશિયલ મીડિયા પર વાયરલ થઈ ગયો છે. પીડિતો માંથી એકની ફરિયાદના આધારે પોલીસે શનિવારના રોજ ત્રણ લોકોની ધરપકડ કરી હતી

મેનપુરી ના પોલીસ અધિક્ષક અજય કુમારે કહ્યું કે 10 અજ્ઞાત મહિલાઓ સહિત 16 લોકો વિરૂદ્ધ આઈપીસીની ધારા 499 અને 500 અંતર્ગત ગુનો નોંધી કેસ દાખલ કરવામાં આવ્યો છે. સાથે સાથે અન્ય આરોપીઓની શોધખોળ ચાલી રહી છે.