મોતની ચિચિયારીઓથી ગુંજી ઉઠ્યો હાઈવે- કાર અને ટ્રકની ટક્કરમાં એક સાથે 8 લોકોના કરુણ મોત

Accident in Uttar Pradesh: ઉત્તર પ્રદેશના વારાણસીમાં બુધવારે સવારે 7 વાગ્યે સર્જાયેલા માર્ગ અકસ્માત(Accident in Uttar Pradesh)માં 8 લોકોના મોત થયા છે. રેસ્ક્યુ ઓપરેશન દરમિયાન લોકોને 3 વર્ષનું બાળક જીવતું મળી આવ્યું હતું. કાર અને ટ્રક વચ્ચે સામસામે અથડાવાને કારણે આ અકસ્માત સર્જાયો હતો.

અકસ્માત પીડિતાનો પરિવાર પીલીભીતથી મુલાકાત માટે આવ્યો હતો. પોલીસે મૃતકોના મૃતદેહને કબજામાં લઈ હોસ્પિટલમાં ખસેડ્યા છે. ઘાયલ બાળકને પણ સારવાર માટે હોસ્પિટલમાં દાખલ કરવામાં આવ્યો છે. મુખ્યપ્રધાન યોગી આદિત્યનાથે માર્ગ અકસ્માત પર ઘેરા શોકની લાગણી વ્યક્ત કરી છે.

દર્શન કરીને ઘરે પરત ફરી રહ્યા હતા લોકો
પ્રાપ્ત માહિતી અનુસાર, ફુલપુર પોલીસ સ્ટેશનના કારખિયાંવમાં અર્ટિગા કાર અને ટ્રકની ટક્કર થઈ હતી. મૃત્યુ પામેલા તમામ 8 લોકો પીલીભીતના રહેવાસી હતા, જેઓ વારાણસી દર્શન માટે આવ્યા હતા. પરત ફરતી વખતે વારાણસી-જૌનપુર હાઈવે પર તેનો અકસ્માત થયો હતો.

મૃતકોની ઓળખ પીલીભીતના પુરનપુર પોલીસ સ્ટેશન હેઠળના રૂદ્રપુર ગામના રહેવાસી વિપિન યાદવ અને તેની માતા ગંગા યાદવ તરીકે થઈ છે. રુદ્રપુરના મહેન્દ્ર વર્મા અને તેમની પત્ની ચંદ્રકાલીએ પણ અકસ્માતમાં જીવ ગુમાવ્યો હતો. પુરનપુરના ધરમગદપુરના રહેવાસી રાજેન્દ્ર યાદવનું પણ મૃત્યુ થયું છે. 3ની ઓળખ હજુ બાકી છે.