‘SORRY માફ કરજો..’ ઓનલાઇન ગેમના ચક્કરમાં યુવકે ગળેફાંસો ખાઈ ટુંકાવ્યું જીવન -સુસાઇડ નોટ વાંચી લોહીના આંસુએ રડ્યો પરિવાર

Youth committed died by suicide in Vadodara: આપઘાતની ઘટનાઓ ખુબ જ વધી રહી છે. તેમાં પણ ખાસ કરીને આજનું યુવાધન નાની-નાની બાબતમાં પોતાના જીવન ટૂંકાવી દેતા હોય છે. હાલ એવી જ એક ઘટના સામે આવી છે. વડોદરામાં 2 સંતાનોનાં પિતાએ ઓનલાઇન ગેમના ચક્કરમાં પડી ગળે ફાંસો ખાઈ આપઘાત કરી લીધો હોવાનો બનાવ સામે આવ્યો છે.(Youth committed died by suicide in Vadodara) યુવકે ઓનલાઇન ગેમના ચક્કરમાં કેટલીક એપલિકેશન પરથી લોન લીધી હતી. જેમાં દેવું થઈ જવાને કારણે છેલ્લે મૃતક ડિપ્રેશનમાં જતાં રહ્યાં હતાં અને આખરે તેણે પોતાનો જીવ ટૂંકાવ્યો હતો. આ સાથે જ સુત્રો પાસેથી જાણવા મળ્યું છે કે લોનની ઉઘરાણી કરતા લોકોએ યુવકને તેના ન્યૂડ ફોટો વાયરલ કરવા સહિત એટલી હદે ધમકાવ્યો હતો કે તેને પોતાના જીવનનો અંત લાવવાનું નક્કી કરી લીધું હતું.

રીફાઈનરી રોડ ગ્રીન પાર્ક સોસાયટીમાં રહેતા ૩૧ વર્ષીય મયુરભાઈ ઉમેશસિંહ મહિડા નામનો યુવક ખાનગી કંપનીમાં સીવીલ એન્જિનિયર તરીકે કામ કરે છે. મયુરના પિતરાઈ ભાઈ કલ્પેશ મહિડાએ કહ્યું કે, મયુરના બે સંતાન છે. એક 4 વર્ષની દીકરી છે અને 1 વર્ષનો દીકરો છે.(Youth committed died by suicide in Vadodara) તે મોટાભાગે કંપનીના કામ અર્થે 20થી 25 દિવસ બહારગામ રહેતો હતો. આ કારણે તેની પત્ની બાળકો સાથે પિયરમાં રહેતી હતી.

મૃતકના ભાઈએ વધુમાં જણાવ્યું કે, સ્યુસાઇડ નોટ(Youth committed died by suicide in Vadodara)માં મયુરભાઈએ લોનની ભરપાઇ પણ કરી દીધી હોવાનો ઉલ્લેખ કર્યો હતો. પરંતુ લેણદારો તેના ડોક્યુમેન્ટનો દુરઉપયોગ કરવાની સાથે તેના ન્યૂડ ફોટો સહિતની વસ્તુ વાયરલ કરવાની ધમકી આપતા હતા. જેથી તેને હતાશ થઈનેમંગળવારે સાંજે છ વાગ્યની આસપાસ ઘરે જ ફાંસો ખાઈને પોતાનું જીવન ટુંકાવી દીધું હતું. ત્યારે આ મામલે ગોરવા પોલીસે મૃતદેહ કબજે લઇ પોસ્ટમોર્ટમ કરાવવાની કાર્યવાહી હાથ ધરી છે.