વંદે ભારતને નડ્યો પાંચમો અકસ્માત- બળદ અથડાતા ટ્રેનના જુઓ કેવા થયા હાલ

ગુજરાત(Gujarat): આજથી 23 દિવસ પહેલા આણંદ(Anand)માં એક મહિલાને અડફેટે લીધા બાદ અમદાવાદથી મુંબઇ તરફ જઈ રહેલી વંદે ભારત ટ્રેન(Vande Bharat train accident)ને ફરી એક વખત અકસ્માત નડ્યો હતો. ઓક્ટોબર મહિનામાં ત્રણ વખત, નવેમ્બર મહિનામાં એક વખત અકસ્માત(Accident) થયા બાદ ડિસેમ્બર મહિનાની શરૂઆતમાં જ અકસ્માત સર્જાયો હતો. આજે વલસાડ(Valsad)ના ઉમદવાડા(Umarwada) રેલવે સ્ટેશનમાં બળદને ટ્રેને અડફેટે લીધો હતો. મહત્વનું છે કે, અમદાવાદમાં ભેંસ સાથે, આણંદમાં ગાય સાથે તેમજ એક મહિલાને અડફેટે લીધી હતી. આ ઉપરાંત વલસાડમાં બળદ સાથે અથડાઈ હતી. ત્યારે આજે પણ વલસાડમાં બળદ સાથે જ અથડાઈ હતી.

મહત્વનું છે કે, અમદાવાદથી મુંબઇ બાજુ જતી વંદે ભારત ટ્રેનનો ફરી એક વખત અકસ્માત થયો હતો. વલસાડના ઉદવાડા રેલવે સ્ટેશન બળદ સાથે ટ્રેનની ટ્રક્કર થતા ગમખ્વાર અકસ્માત સર્જાયો હતો. આ ગમખ્વાર અકસ્માતમાં બળદનું મોત થયું હતું અને ટ્રેનમાં પણ નુકસાન પહોંચ્યું હતું. ઉલ્લેખનીય છે કે, અકસ્માત થતા સંજાણ રેલવે સ્ટેશન નજીક ટ્રેનને ઉભી રાખવી પડી હતી. રેલવે કર્મચારીઓએ તાત્કાલિક સંજાણ રેલવે સ્ટેશન પહોંચી ટ્રેનના કેટલ રન ઓવરને રીપેરીંગ કરવાની કામગીરી હાથ ધરવામાં આવી હતી. ત્યારબાદ ટ્રેનને મુંબઈ તરફ જવા રવાના કરવામાં આવી હતી.