પેટ્રોલ પંપ પર લૂંટનો લાઈવ VIDEO: નકાબ ધારીઓએ અડધી રાતે ત્રણ પેટ્રોલ પંપને લીધા નિશાને…

Published on: 4:56 pm, Fri, 12 August 22

પંજાબ(Punjab)ના લુધિયાણા(Ludhiana)માં કાર(car)માં સવાર 5 બદમાશોએ 3 પેટ્રોલ પંપ(Petrol pump) પર લૂંટ(Robbery) ચલાવી હતી. આ ઘટનાનો સીસીટીવી વીડિયો સામે આવ્યો છે. વીડિયોમાં જોવા મળી રહ્યું છે કે એક કાર પેટ્રોલ પંપ પર આવીને ઉભી રહી હતી. તેમાંથી માસ્ક પહેરેલા શખ્સો બહાર આવ્યા હતા અને પેટ્રોલ પંપના માણસને હથિયાર વડે ધમકી આપી હતી. તે કારમાં પેટ્રોલ ભરતો હતો. થોડી જ વારમાં બાકીના માસ્ક પહેરેલા માણસો પણ કારમાંથી બહાર આવી ગયા હતા. આ ઘટના 8 ઓગસ્ટે મોડી રાત્રે બની હતી. આ મામલે પોલીસે આરોપીઓ સામે ગુનો નોંધ્યો છે.

આ ઘટના રાત્રે 2.30 કલાકે બની હતી. આરોપીઓએ પહેલા 2 હજાર રૂપિયાનું કારમાં પેટ્રોલ પુરાવ્યું હતું. આ પછી તે પેટ્રોલ પંપની ઓફિસમાં ઘુસી ગયા હતા અને 2 મોબાઈલ પણ લૂંટી લીધા હતા. ઓફિસની અંદર એક કર્મચારી સૂતો હતો. તેણે તે કર્મચારીને પિસ્તોલ પણ બતાવી અને ડ્રોઅર તપાસ્યા હતા. ડ્રોઅર ખાલી હોવાથી તેઓ કંઈ શોધી શક્યા ન હતા. આ ઘટનાની ફરિયાદ પેટ્રોલ પંપના ડાયરેક્ટર બલબીર સિંહે પોલીસને આપી હતી.

પોલીસે ત્રણ દિવસની તપાસ બાદ કેસ નોંધ્યો હતો. આ ઘટના બાદ આરોપીઓએ સવારે 3:28 વાગ્યે ખેડુ નજીકના અન્ય પેટ્રોલ પંપ પર ડીઝલ ભરીને 2860 રોકડની લૂંટ કરી હતી. આ સાથે, સાહનેવાલ-દેહલોન રોડ પર સવારે 4:29 વાગ્યે, આરોપીઓએ પેટ્રોલ પંપ સંચાલકો પાસેથી રોકડની પણ લૂંટ કરી હતી. પેટ્રોલ પંપના માલિકે પોલીસ પાસે પેટ્રોલ પંપની સુરક્ષા મજબૂત કરવા માંગ કરી છે. આરોપીઓએ ત્રણેય બનાવને મોડી રાત્રે અંજામ આપ્યો હતો.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.