November 20, 2024
SDM Jyoti Maurya NEWS: SDM જ્યોતિ મૌર્યા આ દિવસોમાં પોતાના પતિને છોડવાને કારણે સોશિયલ મીડિયા પર ઘણી ટ્રોલ થઈ રહી છે. આ ક્રમમાં સોશિયલ મીડિયા પર વધુ એક વીડિયો વાયરલ થયો છે, જેમાં દાવો કરવામાં આવ્યો છે કે તેમાં રહેલી મહિલા પીસીએસ ઓફિસર જ્યોતિ મૌર્ય છે. વીડિયોમાં મહિલા કેટલાક જાતિવાદી શબ્દોનો ઉપયોગ કરતી જોવા મળી રહી છે. જોકે, જ્યોતિ મૌર્યએ તેને ફેક વીડિયો ગણાવ્યો છે.
તેના પતિએ પણ આ અંગે કોઈ ટિપ્પણી કરી નથી. આ વીડિયો કોનો છે તેની હજુ સુધી પુષ્ટિ થઈ નથી. પરંતુ આ વીડિયોને જ્યોતિ મૌર્યનો વીડિયો કહેતા બરેલીમાં ભીમ આર્મીના કાર્યકરોએ પોલીસ અધિકારીને મેમોરેન્ડમ આપી કાર્યવાહીની માંગ કરી છે.
જાતિના શબ્દોનો કરવામાં આવ્યો ઉપયોગ
આ વીડિયોમાં મહિલાનો ચહેરો ઝાંખો જોવા મળ્યો છે. તેમાં દેખાતું હતું કે, મહિલા જમીન પર બેઠી છે અને જાતિવાદી શબ્દોનો ઉપયોગ કરીને તેના પતિ વિરુદ્ધ કંઈક કહી રહી છે. આ જ વિડિયો એ કહીને વાયરલ કરવામાં આવ્યો છે કે તેમાં રહેલી મહિલા જ્યોતિ મૌર્ય છે.
Trending News
ભીમ આર્મીએ કર્યો છે વિરોધ
વીડિયો વાયરલ થયા બાદ બરેલીમાં ભીમ આર્મીના કાર્યકરોએ જ્યોતિ મૌર્યનો વિરોધ કર્યો હતો. ભીમ આર્મીના કાર્યકર્તાઓનું કહેવું છે કે જ્યોતિ મૌર્ય કે જેઓ પોતે પીસીએસ ઓફિસર છે તેમણે વાલ્મિકી સમાજ વિરુદ્ધ જાતિવાદી શબ્દોનો ઉપયોગ કર્યો છે. જે બિલકુલ ખોટું છે. એટલા માટે તેમની સામે કાર્યવાહી થવી જોઈએ.
જોકે, પોલીસ અધિકારીઓએ મેમોરેન્ડમ લીધા બાદ આ મામલે તપાસ શરૂ કરી છે. આ વીડિયો કોનો છે તેની હજુ સુધી પુષ્ટિ થઈ નથી, પોલીસ તપાસ બાદ જ કહી શકાશે કે આ વીડિયો જ્યોતિ મૌર્યનો છે કે અન્ય કોઈ મહિલાનો.
જ્યતિ મૌર્ય આટલી ચર્ચામાં કેમ છે?
યુપીના પંચાયતી રાજ વિભાગમાં કામ કરતા ચોથા વર્ગના કર્મચારી આલોક મૌર્યએ બરેલીમાં તૈનાત તેની પત્ની જ્યોતિ મૌર્ય (પીસીએસ અધિકારી) અને તેના પ્રેમી મનીષ દુબે (હોમ ગાર્ડ કમાન્ડન્ટ) પર હત્યાનું કાવતરું ઘડવાનો આરોપ મૂક્યો છે. પીડિતાના પતિએ ધુમનગંજ પોલીસ સ્ટેશન ઉપરાંત હોમગાર્ડ હેડક્વાર્ટરમાં પણ ફરિયાદ કરી છે.
જણાવી દઈએ કે, વર્ષ 2015માં આલોક મૌર્યની પત્નીની યુપીપીસીએસ પરીક્ષામાં પસંદગી થઈ હતી. ઘણા જિલ્લાઓમાં એસડીએમ બન્યા બાદ જ્યોતિ હાલમાં બરેલીની સુગર મિલમાં જીએમ તરીકે તૈનાત છે. પીડિતાના પતિનો આરોપ છે કે પીસીએસ અધિકારીનો પ્રેમી ગાઝિયાબાદમાં હોમગાર્ડ કમાન્ડન્ટ તરીકે તૈનાત છે અને તેની પત્નીના આ અધિકારી સાથે ગેરકાયદે સંબંધો છે.
આલોક-જ્યોતિને બે જોડિયા દીકરીઓ છે આલોક મૌર્યએ જણાવ્યું કે, વર્ષ 2010માં તેના લગ્ન વારાણસીના રહેવાસી જ્યોતિ મૌર્ય સાથે થયા હતા. 2015માં જ તેણે જોડિયા દીકરીઓને જન્મ આપ્યો હતો. પીડિતાના પતિનો આરોપ છે કે વર્ષ 2020માં તેની પત્ની હોમગાર્ડ કમાન્ડન્ટના સંપર્કમાં આવી અને પછી તેનાથી દૂર ચાલી ગઈ. પીડિતાનો આરોપ છે કે પત્ની તેના પ્રેમી સાથે મળીને તેની હત્યાનું કાવતરું ઘડી રહી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube