8 પોલીસકર્મીઓની હત્યા કરનાર વિકાસ દુબે સામે યોગી સરકારની મોટી કાર્યવાહી, બુલડોઝરથી…

યુપી પોલીસે બિથુર સ્થિતિમાં વિકાસ દુબેના મકાનને તોડી પાડવાનો નિર્ણય લીધો છે. જે બાદ કાનપુરમાં આવેલ આ મકાન તોડી પાડવામાં આવ્યું છે. વિકાસ દુબેની શોધમાં પોલીસની 20 ટીમો વિવિધ વિસ્તારોમાં દરોડા પાડી રહી છે.

આઠ પોલીસ જવાનોની શહાદત બાદ મુખ્ય આરોપી ગેંગસ્ટર વિકાસ દુબેની શોધ ચાલુ છે. બીજી તરફ, કાનપુર વહીવટીતંત્રએ બિથુરમાં વિકાસ દુબેના નિવાસસ્થાનને તોડી પાડ્યું છે. વિકાસ દુબેના એ જ જેસીબીનો ઉપયોગ મકાન તોડવા માટે કરવામાં આવ્યો છે, જેના દ્વારા પોલીસ ટીમને ઘેરી લેવામાં આવી હતી. આ ઉપરાંત વહીવટી તંત્ર વિકાસ દુબેની તમામ સંપત્તિ જોડવાની તૈયારી કરી રહ્યું છે. વહીવટ તેની તમામ મિલકતોની તપાસ કરશે, તેમજ તમામ બેંક ખાતાઓ પણ જપ્ત કરવામાં આવશે.

વિકાસ દુબેની શોધમાં પોલીસની 20 ટીમો વિવિધ વિસ્તારોમાં દરોડા( છાપા ) પાડી રહી છે. આ બધા સ્થળોમાં, વિકાસનો પરિવાર રહે છે. નેપાળ બોર્ડર પર પણ એલર્ટ જારી કરવામાં આવ્યું છે. વિકાસ દુબેના ફોટા મૂકવામાં આવ્યા છે.

પોલીસે આ કેસમાં પૂછપરછ માટે અત્યાર સુધીમાં 12 લોકોને હિરાસતમાં લીધા છે. જેથી વિકાસ દુબેને વહેલી તકે પકડી શકાય. વિકાસ દુબે નેપાળ ભાગી જાય તેવી પણ સંભાવના છે, તેથી લખીમપુર ખીરી જિલ્લાની પોલીસ પણ એલર્ટ પર છે.