December 23, 2024
દુનિયામાં ઘણા ખતરનાક જીવો રહે છે, પરંતુ જ્યારે તેમનો સામનો આપણી સાથે થાય છે, ત્યારે ખબર પડે છે કે તેઓ કેટલી હદે નુકસાન પહોંચાડી શકે છે. તમે શાર્ક વિશે તો સાંભળ્યું જ હશે, પરંતુ કદાચ તમને ખબર નહીં હોય કે તે કેટલી ખતરનાક છે. તાજેતરમાં જ એક મહિલા સાથે આવી ઘટના બની, જેના પછી દુનિયાને ખબર પડી કે શાર્કનું પણ આવું ક્રૂર સ્વરૂપ હોઈ શકે છે. ઇજિપ્તમાં, એક મહિલા પર શાર્ક દ્વારા હુમલો કરવામાં આવ્યો હતો, જેમાં તેણીનું મૃત્યુ થયું હતું.
અહેવાલ મુજબ ઓસ્ટ્રિયન મૂળની 68 વર્ષની મહિલા તેના પતિ સાથે ઈજિપ્તમાં રહેતી હતી. તાજેતરમાં તેણી સાહલ હશીશ (Sahl Hasheesh) ના સમુદ્રના કિનારે હતી. મહિલા દરિયામાં તરી રહી હતી ત્યારે તેના પર શાર્કનો હુમલો થયો હતો. તે પછી જે બન્યું તે ખૂબ જ ભયાનક હતું.
આ ઘટનાનો એક વીડિયો સોશિયલ મીડિયા પર વાયરલ થઈ રહ્યો છે, જો કે તે આખો વીડિયો નથી. રિપોર્ટ અનુસાર શાર્કે મહિલાના પગ અને હાથ ખરાબ રીતે કરડયા હતા. આ દરમિયાન ઘણા રશિયન પ્રવાસીઓ અને અન્ય લોકો ત્યાં હાજર હતા જેઓ આ ઘટના જોઈ રહ્યા હતા. વીડિયોમાં તે બૂમો પાડતો સંભળાયો છે કે લાઈફ ગાર્ડ ક્યાં છે, બોટ કેમ નથી, કોઈ મહિલાને બચાવે, પરંતુ કોઈએ પાણીમાં ઉતરવાની હિંમત ન કરી. મહિલા એકલી આ શાર્ક સાથે લડતી રહી. ટૂંક સમયમાં આસપાસનું પાણી લાલ થઈ ગયું, પરંતુ મહિલા કોઈક રીતે તરીને કિનારે આવી ગઈ પરંતુ તે ખરાબ રીતે ઘાયલ થઈ ગઈ.
Trending News
મહિલાને એમ્બ્યુલન્સ દ્વારા હોસ્પિટલ લઈ જવામાં આવી રહી હતી પરંતુ તે અધવચ્ચે જ મૃત્યુ પામી હતી. લોકોએ મીડિયાને કહ્યું કે દરેક લોકો માત્ર વીડિયો બનાવી રહ્યા હતા પરંતુ કોઈએ મહિલાને બચાવવાનો પ્રયાસ કર્યો ન હતો કારણ કે કોઈમાં પાણીમાં જવાની હિંમત નહોતી. દરેક વ્યક્તિ એમ્બ્યુલન્સ, લાઈફ ગાર્ડને બોલાવતા જોવા મળ્યા હતા, પરંતુ તે દરમિયાન રેસ્ક્યુ ટીમ ત્યાં હાજર ન હતી. ડૉક્ટરે મહિલાને બચાવવા માટે ખૂબ પ્રયાસ કર્યા, પરંતુ બચાવી શક્યા નહિ.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.