રાજ્યમાં લોકડાઉનમાં છૂટ મળતાની સાથે જ પાર્લરમાં ઉમટી લોકોની ભીડ- એકસાથે ૭૦૦ લોકોનું વેઈટીંગ

ગઈ કાલે રાજ્યની રૂપની સરકારે મહાનગરો સહીત અન્ય 36 શહેરોમાં લગાવવામાં આવેલ આંશિક લોકડાઉનમાં મહદ અંશે છૂટછાટ આપવામાં આવી હતી. જયારે ધંધાર્થીઓને સવરે ૯ વાગ્યાથી સાંજના ૩ વાગ્યા સુધી ધંધો-રોજગાર શરુ કરવાની છૂટ આપવામાં આવી છે. કોરોનાના નિયમોનું અનુસરણ થાય તે રીતે ધંધા-રોજગાર શરૂ કરવાની છૂટ આપવામાં આવી છે.

સરકારે લોકડાઉનમાં આંશિક છૂટછાટ આપતા સુરતના બ્યુટી પાર્લરમાં ૬૦૦ થી ૭૦૦ લોકોની વેઈટીંગ થઇ ગયું છે. કોરોનાની ગાઈડલાઈનનો ભંગ ન થાય તેવી રીતે એપોઇન્ટમેન્ટ આપવામાં આવે છે. બ્યુટી પાર્લર સંચાલકો દ્વારા કહેવામાં આવ્યું છે કે હેર ટ્રીટમેન માટે આજે ૧૫૦ થી પણ વધુ ફોન આવી ચુક્યા છે. જ્યારે બ્યુટી પાર્લરમાં દિવસ દરમિયાન ફક્ત ૨૦ વ્યક્તિઓને જ બોલાવવામાં આવે છે. બ્યુટી પાર્લર દ્વારા ફોન પર એપોઇન્ટમેન્ટ આપવામાં આવી રહી છે. મહિલાઓને ૨૦ જેટલા દિવસની રાહ જોયા બાદ આજે એપોઇન્ટમેન્ટ મળી છે.

અહિયાં જાણો શું રહેશે ચાલુ અને બંધ:
મોબાઈલની દુકાનો, ગેરેજ, હાર્ડવેર, જવેલર્સ રહેશે ખુલ્લા, શોપિંગ સેન્ટર અને માર્કેટો પણ રહેશે ખુલ્લા, સલુન, બ્યુટી પાલર પણ રહેશે ખુલ્લા

શું રહેશે બંધ:
શાળાઓ અને ટ્યુશન કલાસીસ (ઓનલાઇન શિક્ષણ સિવાય), સિનેમા મલ્ટીપ્લેકસ, ઓડીટોરીયમ, એસેમ્બલી હોલ, વોટર પાર્ક, જાહેર બાગ-બગીચા, મનોરંજક સ્થળો જીમ, સ્વિમિંગ પુલ ઉપરાંત તમામ પ્રકારના મોલ્સ તથા કમર્શિયલ કોમ્પ્લેક્સિસ બંધ રહેશે.