સુરતની સમર્પણ હોસ્પિટલમાં એવું તો શુ થયું કે ફાયરની ગાડીઓની લાઇન લાગી અને… -જુઓ વિડીયો

છેલ્લા થોડા સમયમાં જ આગની ઘટનાઓએ વેગ પકડ્યો છે. ઘણી કોવિડ હોસ્પિટલોમાં આગના કારણે કેટલાય માસુમ દર્દીઓને જીવ ગુમાવવાનો વારો આવ્યો છે. આ સમય વચ્ચે વરાછા ઝોનના ડીવીઝનલ ફાયર ઓફિસર અને તેમની પૂરી ટીમ દ્વારા આગની ઘટનામાં કેવી રીતે બચી શકાય? કેવી રીતે આગ પર કાબુ મેળવી શકાય? આગ દરમિયાન દર્દીઓએ શું કરવું જોઈએ? તેવી તમામ બચાવ કામગીરીનું સુંદર આયોજન કરીને દરેક નાગરિકોને માહિતગાર કરવાનું કાર્ય કરવામાં આવ્યું હતું.

આ સાથે સાથે જ આગ જેવા અકસ્માતમાં ફાયર સેફ્ટીના આધુનિક સાધનોનો ઉપયોગ કેવી રીતે થાય તે અંગેનું તમામ માર્ગદર્શન આપવામાં આવ્યું હતું. ડીવીઝનલ ફાયર ઓફિસર શ્રી જે.જે. ઓઅતેલા અને સ્ટેશન ફાયર ઓફિસર શ્રી બી.કે. સોલંકી ઇનચાર્જ સ્ટેશન ફાયર ઓફિસર વી.એન. ડોજીવાડીયા, ફાયર સેફ્ટીના તમામ અધિકારી દ્વારા આ તમામ માર્ગદર્શન આપવાનું આયોજન કર્યું હતું.

આ તમામ કામગીરી સમર્પણ જનરલ હોસ્પિટલ ખાતે કરવામાં આવી હતી. આ હોસ્પીટલના સંચાલક શ્રી ડો. રસિક એમ. વિરાણી સાથે વિવિધ ફાયર એન્જીનો જેવા કે, વોટર ટેન્કર, હાઇડ્રોલીક પ્લેટફોર્મ અને એમ્બ્યુલન્સ જેવા આધુનિક સાધનોની મદદથી બનાવટી કેઝયુલીટી બનાવી હોસ્પીટલના પહેલા અને બીજા માળે કેઝયુલીટીની બચાવ કામગીરી કરવાનું સુંદર આયોજન કરવામાં આવ્યું હતું.

આ પાછળનો એક જ હેતુ હતો કે, લોકોને આ અંગે માહિતગાર કરવા અને આપણી પાસે રહેલા અતિ આધુનિક સાધનોનો ઉપયોગ આગ અકસ્માતમાં કેવી રીતે કરવો. આ તમામ માર્ગદર્શન હોસ્પીટલના સ્ટાફ અને લોકોને પૂરું પાડવામાં આવ્યું હતું. સાથે સાથે આગ સમયે દર્દીઓને શું કરવું તેનું પણ આયોજન કરવામાં આવ્યું હતું.