Doctors identified new type of Silent Heart Attack Health

નાની ઉમરમાં હાર્ટ એટેકના કિસ્સાઓ વધી રહ્યા છે. એમાં પણ ખાસ કરીને સાયલન્ટ હાર્ટ એટેક (silent heart attack), જેના લક્ષણ ઘણા સામાન્ય હોય છે. આપણે તેને અવગણીએ છે. સાયલન્ટ હાર્ટ એટેક ઓળખવો ખુબ જ મુશ્કેલ છે. આનું કારણ એ છે કે જ્યારે સાયલન્ટ હાર્ટ એટેક આવે છે ત્યારે શરીરમાં કોઈ લક્ષણો અનુભવાતા નથી. શરીર કેટલાક સંકેતો આપે છે, તો તે ખૂબ જ સામાન્ય છે જેને લોકો ફક્ત અવગણના કરે છે. પરંતુ સાયલન્ટ હાર્ટ એટેક એ હાર્ટ એટેક જેટલો જ ખતરનાક હોય છે જે લક્ષણો સાથે આવે છે. આ સ્થિતિમાં તમારા હૃદયને નુકસાન થાય છે. જ્યારે હૃદયને લોહી અને ઓક્સિજનનો પુરવઠો વિક્ષેપિત થાય છે. આવી સ્થિતિમાં હાર્ટ એટેક આવે છે. સાયલન્ટ હાર્ટ એટેક ગમે ત્યારે આવી શકે છે. ઘણી વખત સાયલન્ટ હાર્ટ એટેકના કિસ્સાઓ સૂતી વખતે જોવા મળે છે.

મહિલાઓને સૌથી વધુ જોખમ હોય છે
એક અભ્યાસ મુજબ, લગભગ 50% થી 80% હાર્ટ એટેક શાંત હોય છે. સાયલન્ટ હાર્ટ એટેકનું જોખમ ખાસ કરીને સ્ત્રીઓમાં વધારે હોય છે. ક્યારેક તણાવ, વધુ પડતી શારીરિક પ્રવૃત્તિ અથવા ઠંડીને કારણે સાયલન્ટ હાર્ટ એટેક આવી શકે છે.

સાયલન્ટ હાર્ટ એટેક કેવી રીતે સમજવું, લક્ષણો શું છે
ઘણી વખત સાયલન્ટ હાર્ટ એટેક આવે ત્યારે કોઈ લક્ષણો જણાતા નથી. હળવી અસ્વસ્થતા અનુભવવી અને ક્યારેક કોઈ રોગને કારણે સાયલન્ટ હાર્ટ એટેક પણ આવી શકે છે. કારણ કે સાયલન્ટ હાર્ટ એટેકના લક્ષણ ખુબ જ સામાન્ય હોય છે. જેના કારણે વ્યક્તિ કઈ સમજે તે પહેલા મુશ્કેલી વધી જતી હોય છે.

છાતી અથવા પીઠના ઉપરના ભાગમાં સ્નાયુમાં દુખાવો
જડબા, હાથ અથવા પીઠના ઉપરના ભાગમાં દુખાવો અનુભવવો
ખૂબ થાક લાગે છે અને અપચો અનુભવાય છે

હાર્ટ એટેકના લક્ષણો

તીવ્ર છાતીમાં દુખાવો
શ્વાસ લેવામાં તકલીફ
શરીરના ઉપરના ભાગમાં અગવડતા
ઠંડા પરસેવો
ખૂબ થાક લાગે છે
ઉબકા લાગે છે

શા માટે સાયલન્ટ હાર્ટ એટેક આવે છે?

શરીરમાં કોલેસ્ટ્રોલ વધવાથી પ્લેક બને છે જે કોરોનરી ધમનીઓમાં જમા થાય છે. જ્યારે પ્લેક પર લોહી ગંઠાઈ જાય છે, ત્યારે તે ઓક્સિજન અને રક્તને હૃદયના સ્નાયુ સુધી પહોંચતા અટકાવે છે. આવી સ્થિતિમાં હાર્ટ એટેક આવે છે.