ઇશાન કિશન નહીં આ 22 વર્ષનાં ક્રિકેટરને ટેસ્ટ ટીમમાં મળી ગયું સ્થાન, જેની ટીમ ઇન્ડિયા સામેની પ્રથમ 2 ટેસ્ટ મેચમાં પસંદગી

IND vs ENG Latest News: ભારતીય ક્રિકેટ કંટ્રોલ બોર્ડ (BCCI) એ શુક્રવારે રાત્રે ઈંગ્લેન્ડ સામેની પાંચ ટેસ્ટ મેચોની શ્રેણીની પ્રથમ બે મેચો માટે 16 સભ્યોની ટીમની જાહેરાત કરી હતી. આમાં વિકેટકીપર બેટ્સમેન ઈશાન કિશનનું નામ નથી. તેના સ્થાને યુવા ગ્લોવમેન ધ્રુવ જુરેલને પ્રથમ વખત ટેસ્ટ ટીમમાં સામેલ કરવામાં આવ્યો છે. ટીમમાં સામેલ અન્ય બે વિકેટકીપર-બેટ્સમેન કેએલ રાહુલ અને કેએસ ભરત છે. આ રીતે BCCIએ 16 ખેલાડીઓમાંથી ત્રણ વિકેટકીપરની(IND vs ENG Latest News) પસંદગી કરી છે.

જ્યારે ધ્રુવ જુરેલને પ્રથમ વખત ટેસ્ટ માટે કોલ મળ્યો ત્યારે ક્રિકેટ પ્રેમીઓ ચોંકી ઉઠશે. પરંતુ લોકોની ઉત્સુકતા સંતોષવા માટે તમને જણાવી દઈએ કે ધ્રુવ જુરેલ 2020 અંડર-19 વર્લ્ડ કપમાં ભારતીય ટીમનો વાઇસ કેપ્ટન હતો અને ત્યાંથી તેણે ધ્યાન આકર્ષિત કરવાનું શરૂ કર્યું હતું. આગ્રામાં રહેતો ધ્રુવ જુરેલ તેની સારી બેટિંગ માટે જ નહીં પરંતુ તેની વિકેટકીપિંગ માટે પણ જાણીતો છે. તે વિકેટ પાછળ ખૂબ જ ચપળ છે. બેટ સાથેના તેના પ્રદર્શનથી ઘણા ક્રિકેટ નિષ્ણાતો પ્રભાવિત થયા છે. તેની છબી એવા ખેલાડીની છે જે મુશ્કેલ પરિસ્થિતિઓમાં ધીરજથી બેટિંગ કરે છે.

 

View this post on Instagram

 

A post shared by Navdeep Saini (@navdeep_saini10_official)

2022માં યુપી માટે રણજી ડેબ્યૂ કર્યું
22 વર્ષીય ધ્રુવ જુરેલે 2022માં રણજી ટ્રોફી ક્રિકેટમાં વિદર્ભ સામે ઉત્તર પ્રદેશ માટે ફર્સ્ટ ક્લાસ ડેબ્યૂ કર્યું હતું. અત્યાર સુધીમાં, ધ્રુવ જુરેલે 15 ફર્સ્ટ-ક્લાસ મેચ રમી છે, જેમાં તેણે 249 રનના શ્રેષ્ઠ સ્કોર સાથે એક સદી અને પાંચ અડધી સદી સહિત 790 રન બનાવ્યા છે. ધ્રુવ જુરેલે 10 લિસ્ટ A અને 23 T-20 મેચ પણ રમી છે.