જાણો ક્યાં થયો પડોશીઓ વચ્ચે એવો ઝઘડો કે મહિલાને ચપ્પુના ઘ મારીને પતાવી દેવાઈ

ડાયમંડ સીટી સુરત હવે ક્રાઈમ સીટી બનતું જાય છે. સુરતમાં અવાર-નવાર હત્યાની ઘટનાઓ સામે આવતી રહે છે. ત્યારે આજરોજ આવી જ એક ઘટના સામે આવી છે. ગત ૨૪ કલાકમાં ત્રણ હત્યાની (Surat Murder) ઘટનાથી શહેરમાં ચકચાર મચી જવા પામી છે. સુરતના સહારા દરવાજા વિસ્તારમાં મેઈન રોડ નજીક આવેલી ઝૂંપડપટ્ટીમાં એક મહિલાની હત્યા કરવામાં આવી છે.

રવિવારે સુરતના સહારા દરવાજા નજીક ક્વીન્સ ટાવરની પાછળની ઝૂંપડપટ્ટીમાં રવિવારે છ લોકોએ વિધવાને છરી વડે હુમલો કરીને મોતને ઘાટ ઉતારી દીધી હતી. મૃતક મહિલાનો આરોપી સાથે વિવાદ થયો હતો, ત્યારબાદ તેણે તેના પાંચ મિત્રો સાથે મળીને મહિલા પર છરી વડે હુમલો કરી તેની હત્યા કરી હતી. ઘટના બાદ આરોપી ફરાર થઈ ગયો હતો. જેની પોલીસ શોધ કરી રહી છે.

મળતી માહિતી મુજબ, સહારા દરવાજા પાસે ક્વીન્સ ટાવરની પાછળ રણછોડ કુકન (54) વિધવા માતા ગૌરીબેન સાથે રહે છે અને દૈનિક વેતન મજૂરી કામ કરે છે. ગૌરીબેને થોડા દિવસો પહેલા તે વિસ્તારમાં રહેતા મચ્છર ઉર્ફે તરુણ સાથે ઝઘડો કર્યો હતો. આ અંગે રવિવારે સાંજે ગૌરીબેન મચ્છર ઉર્ફેને સમજાવવા ગયા હતા.