પત્ની, દીકરા અને દીકરીનું ગળુ કાપીને હત્યા કરીને પોતે પણ આપઘાત કરતાં સમગ્ર પરિવારનો માળો વેરવિખેર થયો

સોશિયલ મીડિયા પર અવારનવાર સામે આવતા આપઘાતના બનાવોને ધ્યાનમાં લેતા એવું લાગી રહ્યું છે કે, આપઘાતની ઘટનાઓમાં સતત વધારો થતો જઈ રહ્યો છે. આની સાથે-સાથે જ હત્યાના બનાવોમાં પણ સતત વધારો થતો જઈ રહ્યો છે. હાલમાં એક દર્દનાક ઘટના સામે આવી છે. અહીં કરિયાણાની દુકાનના ચલાવી રહેલ વ્યક્તિએ પત્ની, દીકરા તેમજ દીકરીનું ગળુ કાપીને હત્યા કરી દીધી હતી.

ત્યારબાદ પોતે પણ ફાંસી લગાવીને આપઘાત કર્યો હતો. આજે સવારમાં 9.30 વાગ્યાનાં સુમારે પરિવારમાંથી કોઈ બહાર ન આવતાં આસપાસનાં લોકોને આશંકા થઈ હતી. દરવાજો ખોલીને જોયું તો એક જ રૂમમાં ચારેય લોકોના મૃતદેહો પડ્યા હતા. વેપારીના આ સમૃદ્ધ પરિવારે થોડા દિવસ અગાઉ 65 લાખ રૂપિયામાં મકાન ખરીદ્યું હતું.

સત્યદેવ શર્માએ તેમની પત્ની ઉષા શર્મા, દીકરા અશ્વિન તથા દિકરી મોહિનીની ગળુ કાપીને હત્યા કરી દેવામાં આવી હતી. ત્યારબાદ તેણે પોતે પણ ફાંસી લગાવીને આપઘાત કર્યો હતો. પોલીસ તથા ફોરેન્સિક વિભાગે ઘટનાસ્થળ પર પહોંચીને તપાસ શરુ કરી દેવામાં આવી હતી.

ઘટનાની જાણ થતાંની સાથે જ સત્યદેવના માતા-પિતા બેભાન થઈ ગયા હતા. પોલીસનાં જણાવ્યા મુજબ હજુ સુધી ઘટનાનું કોઈ પ્રાથમિક કારણ જાણવા મળ્યું નથી. જેને પરિણામે પોલીસ દ્વારા આજુબાજુના લોકોની પૂછપરછ શરૂ કરી દેવામાં આવી છે. ફોરેન્સિક એક્સપર્ટ ડોક્ટર અર્પિતા સક્સેના જણાવે છે કે, 3 લોકોની ધારદાર હથિયારથી ગળુ કાપીને હત્યા કરી દેવામાં આવી છે. ત્યારબાદ યુવકે ફાંસી લગાવી હતી.