ભાજપ-કોંગ્રેસ નેતાના છાતીના પાટિયા બેસી જાય તેવો નજારો, પરિવર્તનના નાદ સાથે ગુંજી ઉઠ્યું સુરત- જુઓ વિડીયો

ગુજરાત(Gujarat): રાજ્યમાં વિધાનસભાની ચૂંટણીને માત્ર એક જ દીવસ બાકી રહ્યો છે. જેમાં છેલ્લા અઢી દાયકા કરતાં વધુ સમયથી ભાજપ(BJP) સત્તામાં બેઠી છે. હાલમાં તો કોંગ્રેસ(Congress) ભાજપને ટક્કર આપી શકે તેવું લાગતું નથી. પરંતુ આમ આદમી પાર્ટી(AAP) વિધાનસભાની ચૂંટણીમાં ભાજપને ટક્કર આપવા માટે મેદાનમાં ઉતરી છે. આમ આદમી પાર્ટીના સંયોજક અને દિલ્હીના મુખ્યમંત્રી અરવિંદ કેજરીવાલ(Arvind Kejriwal) ગુજરાત પ્રવાસે આવ્યા છે અને ગઈકાલે સાંજે સુરત(Surat)ના કિરણચોક(Kiranchowk) ખાતે ભવ્ય સભાનું આયોજન કરવામાં આવ્યું હતું.

ઉલ્લેખનીય છે કે આ જંગી સભામાં આમ આદમી પાર્ટીના રાષ્ટ્રીય સંયોજક અરવિંદ કેજરીવાલ, આમ આદમી પાર્ટીના પ્રદેશ અધ્યક્ષ ગોપાલ ઈટાલીયા, વરાછા વિધાનસભાના ઉમેદવાર અલ્પેશ કથીરિયા, કામરેજ વિધાનસભાના ઉમેદવાર રામ ધડુક, ઓલપાડ વિધાનસભાના ઉમેદવાર ધાર્મિક માલવિયા સહીત અનેક ઉમેદવારો ઉપસ્થિત રહ્યા હતા.

મહત્વનું છે કે, આ જંગી સભામાં જનતાનું કીડિયારું ઉભરાય આવ્યું હતું. જ્યાં નજર કરીએ ત્યાં લોકો જ બતાઈ રહ્યા હતા. અલ્પેશ કથીરિયાએ પરિવર્તનના નાદ શરુ કરતા કિરણ ચોકમાં અનોખા જ દ્રશ્યો જોવા મળ્યા હતા. કદાચ આ તસ્વીરો અને દ્રશ્યો જોઇને ભાજપ અને કોંગ્રેસ પાર્ટીના છાતીના પાટિયા બેસી ગયા હશે.