100 પેસેન્જર ભરેલું પ્લેન બિલ્ડીંગ સાથે અથડાયું, જુઓ વિડીયો

કઝાકીસ્તાનના અલમાતી એરપોર્ટ પાસે શુક્રવારે સવારે એક પેસેન્જર પ્લેન ટેક ઓફ થતાની સાથે જ ક્રેશ થઈ ગયું હતું. તેમાં અત્યાર સુધી 14 લોકોના મોત થયા છે. પ્લેનમાં 95 મુસાફરો અને 5 ક્રૂ મેમ્બર્સ હતા. મીડિયા રિપોર્ટ્સ પ્રમાણે ‘બેક એર’ એરલાઈન્સનું આ પ્લેન અલમાતી શહેરથી પાટનગર નૂર સુલ્તાન તરફ જઈ રહ્યું હતું. ટેક ઓફ થયા પછી સ્થાનિક સમય પ્રમાણે સવારે 7.22 વાગ્યે વિમાને તેનું બેલેન્સ ગુમાવી દીધું  અને તે બે માળની એક ઇમારત સાથે અથડાઈ ગયું હતું.

Самолет упал близ Алматы: есть выжившие pic.twitter.com/hQEftPeTRs

— МИА Казинформ (@kazinformkz) December 27, 2019

કાટમાળમાંથી બચાવવામાં આવેલા લોકોમાં 8 બાળકો સામેલ છે. દુર્ઘટનામાં કોઈ સગીરનું મૃત્યુ થયું હોવાની વાત સામે નથી આવી. ઘટના પછી ઈમરનજન્સી ટીમ ઘટના સ્થળે રવાના કરી દેવામાં આવી છે. ઘટના સ્થળનો એક વીડિયો સામે આવ્યો છે તેમાં કાટમાળ નીચે દબાયેલી મહિલા એમ્બ્યુલન્સને બુમ પાડતી જોવા મળી રહી છે. કઝાખસ્તાન સરકારે પ્લેન ક્રેશનું કારણ શોધવા કમિશન બેસાડવાની કરવાની જાહેરાત કરી છે.