ખેડૂતો માટે સારા સમાચાર: આજે PM કિસાન યોજનાનો 14મો હપ્તો થશે જાહેર, સરકારે નક્કી કરી તારીખ

PM Kisan Yojana: આજે એ દિવસ આવી ગયો છે જ્યારે પીએમ કિસાન સન્માન નિધિ હેઠળ ખેડૂતોને 14મો હપ્તો જાહેર કરવામાં આવી રહ્યો છે.વડાપ્રધાન નરેન્દ્ર મોદી આજે એટલે કે ગુરુવારે રાજસ્થાનની મુલાકાત દરમિયાન આયોજિત કાર્યક્રમમાં કિસાન સન્માન નિધિનો 14મો હપ્તો ખેડૂતોને(PM Kisan Yojana) તેમના બેંક ખાતામાં મોકલશે.

8.5 કરોડથી વધુ ખેડૂતોને ફાયદો થશે
PM મોદી આજે એટલે કે તારીખ 27મી જુલાઈના રોજ 8.5 કરોડથી વધુ ખેડૂતોના બેંક ખાતામાં સીધા 17,000 કરોડ રૂપિયા ટ્રાન્સફર કરશે. તમને જણાવી દઈએ કે ખેડૂતો છેલ્લા ઘણા મહિનાઓથી 14મા હપ્તાની રાહ જોઈ રહ્યા હતા, જે હવે પૂરો થઈ ગયો છે. 13મો હપ્તો ફેબ્રુઆરીમાં બહાર પાડવામાં આવ્યો હતો. તમને જણાવી દઈએ કે સરકારે આ સ્કીમ 2019માં શરૂ કરી હતી.

E-KYC વિના 14મો હપ્તો મળશે નહીં
પ્રધાનમંત્રી કિસાન સન્માન નિધિ યોજનાના લાભાર્થીઓએ 14મી ચુકવણીનો લાભ મેળવવા માટે તેમનું eKYC પૂર્ણ કરવું પડશે. લાભાર્થીઓ PM-KISAN પોર્ટલ સાથે લિંક કરેલા આધાર મોબાઇલ નંબર પર મોકલવામાં આવેલા OTPનો ઉપયોગ કરીને અથવા PMKISAN GOI એપ ડાઉનલોડ કરીને અને ચહેરાના પ્રમાણીકરણનો ઉપયોગ કરીને તેને તેમના આધાર મોબાઇલ નંબર સાથે લિંક કરીને સ્વતંત્ર રીતે eKYC ચકાસી શકે છે.

તમે e-KYC કરવા માટે પીએમ કિસાન મોબાઇલ એપ્લિકેશનનો પણ ઉપયોગ કરી શકો છો જે સરકાર દ્વારા જૂન 2023 માં ફેસ ઓથેન્ટિકેશન સુવિધા સાથે શરૂ કરવામાં આવી હતી. આ એપમાં તમે OTP કે ફિંગરપ્રિન્ટ વગર તમારા ચહેરાને સ્કેન કરીને ઘરે બેઠા e-KYC કરાવી શકો છો.