મોરબી નજીક ટ્રક અને કાર વચ્ચે સર્જાયેલ ભયંકર અકસ્માતમાં એક જ પરિવારના 3 લોકોએ ગુમાવ્યો પોતાનો જીવ 

ગુજરાતમાંથી દરરોજની ઓછામાં ઓછી 3 કે 4 માર્ગ અકસ્માતની ઘટનાઓ સામે આવતી હોય છે. દિન-પ્રતિદિન થઈ રહેલ માર્ગ અકસ્માતની ઘટનામાં વધારો થવાં છતાં સરકાર કોઈ પગલા લઈ રહી નથી. જેનેઓ શિકાર માસુમ નાગરીકો બની રહ્યાં છે. હાલમાં આવા જ એક માર્ગ અકસ્માતના સમાચાર સામે આવી રહ્યાં છે.

સામખિયારી-રાધનપુર હાઇવે પર આજે વહેલી સવારમાં ટ્રક તથા કાર વચ્ચે ગંભીર અકસ્માત સર્જાયો હતો. અકસ્માતમાં કારનો કચ્ચરઘાણ નીકળી ગયો હતો. કારમાં સવાર એક જ પરિવારના કુલ 3 સભ્યનાં મોત થયા છે. મળી રહેલ જાણકારી મુજબ, રાજ્યમાં આવેલ મોરબી તાલુકાનાં કેમિસ્ટ એસોસિયેશનના પ્રમુખ કિરણ મહેશ્વરીના મોટા ભાઈ સહિત કુલ 3 લોકોના મોત થવાંથી સમગ્ર સમાજમાં શોકનો માહોલ ફરી વળ્યો છે.

ઊભી રહેલી ટ્રક સાથે અથડાઈ કાર :
વહેલી સવારમાં ગાગોદર-ધાણીથર હાઇવે પર ઊભી રહેલ ટ્રક-કાર વચ્ચે ભયંકર અકસ્માત સર્જાયો હતો, જેમાં મોરબીમાં રહેતા એક જ પરિવારના કુલ 3 લોકોના મોત થયા છે. સ્વિફટ કારમાં સવાર મોરબી કેમિસ્ટ એસોસિયેશનના પ્રમુખ કિરણભાઈ મહેશ્વરીના મોટા ભાઈ લજપતભાઈ મોતીરામ મહેશ્વરી તેમજ જયંતીભાઈ મોતીરામ મહેશ્વરી તેમજ એમનાં પત્ની રેખાબેન જયંતીભાઈ મહેશ્વરીનું દુર્ઘટનામાં મોત થતાં શોકનો માહોલ ફરી વળ્યો છે.